حور الجنان باللهجة السعودية

حور الجنان


في شرقية الخير وبلاد الأمن والأمان وعلى شط البحر عائلة صغيره مكونة من أب وأم وطفلين
(محمود عمره 32 سنه رجل ناضج بكل ما للكلمه من معنى محب للخير خدوم وواضح متزوج من شروق وهي بنت عمه وانجبت منه ساره ووليد)
محمود: بابا ساره تعالي هنا لا تروحي بعيد.... وليد إنتبه لأختك
شروق: حبيبي خليهم يلعبوا وياخذوا راحتهم احنا من هنا نترقبهم
محمود: ما ادري اخاف عليهم انتي تدرين توهم صغار
شروق: هههههههههه
محمود ابتسم لها: خير عيوني وش مضحكك
شروق: ابد والله بس احس انك ماخذ مكاني وبعدين شوف.... تراني اغار
محمود ضاقت عيونه من ابتسامته: يسلمولي الغيورين بس انتي تدرين ان قلبي وحياتي ملك لك وحدك وساره ووليد ما هم إلا قطعه مني ومنك
شروق وهي ترفع بإيدها من الرمل الي بجنبها : احبك عدد حبات الرمال
محمود: أحبك عمق مياه البحر
صاروا محمود وشروق يطالعون بعض ويتذكرون احلامهم من قبل 7سنوات وهي في بيت عمها كان عمرها20 سنه وكانت جالسه بالحديقه مع رهف ومازن

(رهف اصغر من شروق لكن كانت علاقتهم مره حلوه كانت تدرس بالثانويه وكانت شروق تساعدها في المذاكره وكانت رهف دلوعه وصاحبه مقالب )

(مازن اخو رهف بس كانو زي الاعداء ما احد يتقبل من الثاني ودايم يتناقرون على الطالعه والنازله وكان عمره 15 سنه)

رهف: اقول مزون قوم جيب لنا عصير تعبنا من المذاكره
مازن: لا والله اكيد تمزحين وليه بالله ماتروحين تخدمين نفسك هااا
رهف بعصبيه: والله والله لوما تقوم ماراح يصير لك طيب
مازن بلا مبالاه :ليه خير وش بتسوييين
فزت رهف بكل شراسه وراحت صوب مازن قام هو بدوره قدامها في هاللحظات صرخت عليهم شروق وقالت لهم شروق : خيييييييييييييييرانا اصلا ما ابغى عصير خلوكم من الشرب وذاكروا لا والله العظيم تركتكم ودقيت للسواق يجيني

وفي هذي الاثناء سمعو صوت
.....:السلام عليكم
التفتت شروق جهة الصوت لقت محمودقدامها ضاعت عيونها في ملامحه الا وش نزل القمر من السما هااا
سمعت صوته :هلا بالغلا كيفك بنت عمي
شروق وكأن احد صب عليها ماي بارد انتبهت لحالها ورفعت شيلتها وردت عليه
شروق :بخير ..... انت كيفك
لمعت عيونه لما سمع صوتها وقال في نفسه.... دامني اشوف احلى عيون لازم اكون بخير ياعمري
وفجأه سمعو صراخ رهف الي صحاهم من دوامتهم: الووووووووووووووووو يا حبايب خير
صدت شروق بوجها عن محمود ياربي انا وش كنت بسوي
محمود تنرفز من طريقة رهف ورد بنبره عاليه
محمود:ياأختي وش بك خطيبتي وانا حر اطالعها لما اشبع وش عندك انتي ..... آمريني
رهف:هههههههههههه اموت انا بروميو
شروق بغت تروح من قدامهم بس سمعت صوت احن من النسمه
محمود : شروق
شروق التفتت: ن...نعم
محمود : ابغاك شوي
طالعت شروق في مازن ورهف وهي تقول في نفسها ليه كذا يا محمود تحرجني وش اسوي انا
محمود طالع رهف بنظره من غير ما يتكلم بكلمه تبلعمت رهف وقالت: انا بروح اسوي لنا احلى كاسة عصير
فز مازن من مكانه: رهوف لاتتركيني بقوم اساعدك وتدرين ما اقدر افارقك دقيقه وحده
مشو مع بعض وهم يتغامزون لمحمود وهو يبتسم لهم ولما بعدو التفت لشروق
محمود:قلبي ونورعيني
شروق انحرجت : تسلم لي عيونك
محمود: اموت انا بهالصوت ممكن طلب
شروق: لبيه..... امر مو طلب
محمود صرخ:تلوموني يا ناس احبها والله ....... تحبيني
شروق بخجل: ايه
محمود :ايه شنو
رهف من بعيد: هااااااااااااااي احنا وصلنا
محمود غمض عيونه من الصدمه وبغى يقوم ويخنق رهف بس هدأ يوم سمع ضحكة شروق
محمود:اموت انا فدا الضحكه وإلي يضحكون
شروق بحيا اكثر: اسم الله حولك وحواليك

بابا بابا انتبه محمود لنفسه وصار يضحك من قلب وين ودته احلامه يا الله ايام مستحيل تنمحى من مخيلته
محمود:هلا حبيبي
وليد : بابا ابغى آيس كريم لو سمحت
محمود: إنت تامر حبيبي والتفت لشروق حبيبتي رتبي الاغراض تأخرنا انا بروح آخذ آيس كريم وجاي ok
شروق :عيوني لك
محمود:آآآآآآآه وهذي قعده ماني ماشي
شروق:هههههههه لا لا ليه
محمود: ما اقدر انا
شروق: خلاص ما راح اتكلم
محمود : وأنا اقدر ما اسمع صوتك بس خليني صابر إلى البيت
شروق:هههههههههه قوم يا الله تأخرنا
محمودk حبيبتي

في بيت بو محمود يعيش محمود وزوجته وأطفاله في قسم خاص بهم لان محمود ما حب يترك البيت ويطلع بره خصوصا لان امه متوفيه
عائلة بو محمود مكونه من(محمودعمره 32 ورهف عمرها24 وإلى الآن ما تزوجت لانها تبغي تخلص دراسه وهي لسه لها سنه تطبيق وتصير دكتورة ومازن الي عمره22 سنه ويدرس بره وشموخ إلي لسه عمرها 20 سنه وهي بنت حبابه وخدوم)

محمود:مساء الخير يبه
بومحمود: مساء النور وليدي شحوالك
محمود:بخير وانت يبه بشرنا عنك
بو محمود: انا خلاص عداني الزمن وراح من وفاة امك الله يرحمها ويغمد روحها الجنه وانا في دنيا غير الدنيا
محمود: الله يرحمها.... بس يبه الدنيا ما توقف الحياة مستمره وامي لو انها موجوده كانت اكيد ما بترضى تشوفك كذا
بو محمود والدموع تتجمع بعينه : والله من 3سنين وانا ما احس بحلاوة الدنيا
وفجأه سمعوا صوت من بعيد وش رايك يبه ادور لك عروس!!!!

اليوم الاربعاء اليوم اول يوم اجازه خلصت الاختبارات لكن النتائج لسه ومع النتائج يظهر كل شي ويبين منو الي تعب ومنو كان متهاون ووووراحت عليه
في الرياض وفي بيت أسماء بنت الاجاويد الي راحت ضحية الاب البخيل الي ما تهمه الا الماديات ومستعد يدوس على أي شي ولو كان اولاده

رهف: السلام عليكم
أسماء وعليكم السلام هلا عمري ما بغيت اشوفك
رهف: هااااا بشري عسى زوجك مو هني
أسماء: والله انك طيبه يا بنت خالي لو هو اهني كان قدرت انا استضيفك
رهف وبتردد: متى راح تفتحين لي قلبك حبيبتي انتي اكيد ما نسيتي ايامنا الحلوه واحنا اطفال صحيح انقطعنا فتره بس يوم رجعت ادرس صرنا اقرب وكنتي في احسن حاال بسسس
أسماء بإستهزاء:بس..... اييييييي هذا هو ال............بس
وقامت تبكي وراحت رهف جلست جنبها وتمسح في دموعهاوتحاول تهديها
رهف: انا ما اقدر اشوف دموعك خلاص على شاني تكفين
أسماء: رهف انا صرت مثل أي شي بدون مشاعر واحاسيس من خطبني بو جاسم ابوي رماني رمية الكلاب رجال متزوج اكثر من مره وعنده دستة عيال وماخذني شغاله على شان تخدمه أسماء وهي تزيد بكي يوم ذكرت الموقف حتى عبدالله ........
رهف : عبدالله .......ما نسيتي يا اسماء
اسماء وهي تبكي اكثر واكثر: عبدالله يوم سمع انهم بيرموني وقف في وجهم الله يحفظه وقال لا بنت عمتي و انا اولى فيها من الغريب مو على شان هو يبيني بس تعاطف مع وضعي لكن هيهات لا حياة لمن تنادي
رهف: طيب ليش نزار ما وقف في وجهه المفروض وقف معك
اسماء بسخريه: مسكين نزار حاول لكن ما في امل ضربه وضرب امي ولا هدد امي بالطلاق واضطروا يسكتون والضحيه انا انجر مثل البهيمه لبيت بو جاسم لا عرس ولا طقطقه وهذا انا مرت ثلاث سنين كل يوم اقول ياليت اليوم ما يخلص الا وانا ميته لكن الله سبحانه كاتب لي العذاب ما ادري انا وش الذنب الي سويته في حياتي
رهف: لا تقولين هذا الكلام هذا امتحان من ربك اهم شي انتي ما شيه على الخطه
أسماء وهي تضحك:اكيد ولا تبغيني اجيب من هالآدمي عيال كان يذبحهم ويتغدى فيهم
رهف واسماء:ههههههههههههههههه

بو جاسم: ضحكتي من سرك بلى صوتك واصل آخر الدنيا يلي ما تستحين
رهف ماتت من الخوف ما تطيقه ولا تحب تاخذ وتعطي وياه والحين هي مظطره تسلم عليه
بالنسبه لأسماء ميته من الخجل من تصرفاته
رهف: قوه بو جاسم شحوالك واحوال الاهل عساكم بخير
بو جاسم :هلا والله حيالله اهل الشرقية الله يقويك يا دكتوره شلون الأهل ( بوجاسم حاط عينه على رهف بعد خاصه يوم شاف هذا الوجه المنور لأنها ما كانت تتغطى لأنها بصفتها تختلط كثير بالرجال فهي تعودت على الوضع هذا )
رهف : تسلم والله اقول بو جاسم
بو جاسم: سمي يا الغاليه أمر
أسماء تطالع رهف وش بينها وبين هالظالم ولا وطريقته بعد زايده عذوبه من امتى يا بو جاسم؟؟؟؟؟
رهف : أخوي يا بو جاسم بيوصل بكره من السفر وابوي اخذ شاليه كبير وحبينا تكونون ويانا
بوجاسم الضحكه وصلت لاخر الدنيا :هههههههههههه والله انا اتمنى بس تدرين مشاغل و تدرين هالحريم عساهم للموت وبزارينهم ما اقدر الا اكون حواليهم
رهف:اوووووه خساره....طيب إذا مافي مانع تخلي أسماء تجي مع اهلها
بو جاسم : وانا اقدر ارفض لك طلب يا لله من رخصتكم البيت بيتك هااا

بغت اسماء تقوم وراه تشوفه يبغي شي
بو جاسم : لالالالالالالا خليك جالسه هنا ويا الغاليه لاتخلينها تمل من الجلسه في بيتنا
أسماء بلمت وهي طالع بو جاسم يروح شلون انقلب حاله كذا لا وبيخليني انزل الشرقيه مع اهلي طالعت رهف لقتها تطالعها وتبتسم نطت في حضنها وهي بتبكي من الفرح
رهف:وش راييك
أسماء خطيره والله
رهف: يلا يدوب الحق النزله اسلم عليك اشوفك بكره
أسماء: يلا عمري باي
رهف : سلامي للكل
في بيت ابو مشعل بعد الغدا واهم جالسيين يشربون الشاي
ابو مشعل: زهبو حالكم بكره بدري بنحرك تدرون الطريق طويل
ام مشعل: شورك وهداية الله
حور: الله يبه ماني مصدقه نخلص اختبارات وتبتدي الطلعات والحركات يااااي
وفجأه يدق التلفون وتروح حور ركض ترفع السماعه
حور : الووو
.......: السلام عليم
حور: وعليكم السلام
.......: لو سمحتي عمي موجود
حور : ايوه ....من؟
......:امين
حور: لحظه وحده
حور : بابا هذا ولد عمي امين يبغاك
بومشعل: هلا بولدي
امين:هلا عمي بشرنا عنك
بو مشعل: بخير دومك بخير وابوك شلونه
امين:يسلم عليك والله ..... عمي بخصوص الحجز الي كان من يومين ضبطت لك الامور وكل شي تمام
بومشعل: تسلم يا ولدي بس انتى متى جيت
امين :صارلي ساعه بس
بو مشعل: وشلون سويسرا
امين: والله يعمي مافي احلى من بلدنا وانا من كثر ما سافرت بلدان طفشت وربي
بومشعل :اكيد اكيد يلا تسلم امين يعطيك العافيه
امين: في امان الله عمي
بو مشعل : مع السلامه

يوم الخميس الكل كان مشغول ويجهز ومترتب كثير اسبوع بيغير حياة كثيرين من افراد عائلتنا بس ايش خلوها مفاجئه وخلونا نبتدي ببيت ابو محمود
رهف: يلا شروق عمري ما ابغى ينقصنا شي
شروق : لاتحاتين كل شي تمام
محمود: اووووه ما زهبتو لا زم نفتح احنا الشاليه
شروق: دقيقه بس
محمود معصب: اقول كاني في السياره ربع ساعه وبحرك مالي شغل
رتبو البنات اغراضهم واتفقو ان اذا في نواقص يجيبونها بعدين مو مشكله راحو هم اول ناس الشاليه وبعد ما رتبو الاغراض اسمعو زمور سياره
بو محمود: شكل احد جا خلينا نشوف
رهف :عنك يبه
راحت رهف وقالت للبواب يفتح الباب وهي طبعا لابسه عبايتها وشيلتها لقتها سيارة نزار
رهف: هلا والله تو ما نورت الشرقيه
أسماء وهي طايره ناحية رهف:عمري اشتقت لك
نزار: يا بنات السلام داخل مو وقته.... كأن في سياره جايه
دخلو البنات داخل وهم يطالعون جمال الشاليه وكبره
منيره: وين المسبح هاا
شروق:هلا والله بعمتي
العمه ام نزار: هلا ببنتي هلا وين العيال تدرين اني متشوقه لهم
...........: السلام عليكم
التفتو البنات صرخو صرخه وحده

دخلو البنات داخل وهم يطالعون جمال الشاليه وكبره
منيره: وين المسبح هاا
شروق:هلا والله بعمتي
العمه ام نزار: هلا ببنتي هلا وين العيال تدرين اني متشوقه لهم
...........: السلام عليكم
التفتو البنات صرخو صرخه وحده
البنات: حــــــــــــــــــــــــــــــــــــور
حور في يدها استريو كبير وماسكتها شموخ من يدها: وش رايكم في المفاجئه
منيره: الللللللللللللللللله احلى شي الإستريو
حور: عجبك الإستريو اما أنا لالا هااا
منيره: الزين ما يجيب الا الزين

على العصر تجمعت العائله كلها البنات فوق ضحك وفرفشه وخبال وأكل والحريم تحت مع القهوه والتمر ويمهم الرجال ياخذون ويعطون معهم في الكلام من زمان ما جلسو الجلسه الحلوه هذي وبجنبهم البزوره وما اقول لكم البلاي ستيشن وحركاته
وأما الشباب فهم في الحديقه هيصه وضحك ومزح قاسي يجيب الزعل

عبدالله: أقول يا محمود قوم بس اتمشى وياي وسيبك من البزوره هذولي ما عندهم سالفه

قامت الدنيا ولا قعدت عليه كل واحد بياخذ حقه الي بلسانه والي بيده ويا عالم وش بيسوون المهم تلاحق عبدالله نفسه وقام يركض فز وراه محمود وهو يضحك
مهند: تعال يا جبان
نزار: ابشر يا ولد خالي اذا تبغيني اسجنه اشر لي بس
أمين بنبره حاده:هاا خير وش بلاك لاتنفخ روحك علينا
نزار: والله انك مو آدمي وانا وش قلت
أمين: احلف بس لا قوم طقني
نزار : وأكسر راسك بعد
أمين: وريني يالله كانك رجال ورني طولك
........: بــــــــــــــــــــــــــــــــــــــس
التفتو الشباب وكل واحد الشر طالع من عيونه ولقو بو عبدالله طالعه عينه جهتهم

بو عبدالله: والله امصخت لا قوموا تذابحوا مهند قوم جيب لهم سكاكين
الشباب ولا كلمه سمع عبدالله ابوه جا يركض ولا قطره بدمه ميت من الرعبه ابوه صحته على قده لا يكون يصير له شي
عبدالله: تكفى يبى هدي اصلا هم يتمازحون
بو عبدالله : الله يلعنك يا بليس لو بتضلون كذا ما راح نجلس هنا يوم واحد

مشى بو عبد الله وتركهم ميتين حسره فز نزار وراح المجلس عنهم اما أمين فركب سيارته وطلع
(أمين ونزار ما ادري وش فيهم مع بعض يغيرون من بعض حد الجنون وما يحبون سيرة بعض ودايم يتناقرون)

نزار: الوووووووو
أسماء: احلى الووووو
نزار:هلا اختي ابغيك شوي
أسماء خير يا عيوني فيك شي
نزار: سلامتك بس انا انتظرك عند المسبح بس ها البسي شيلتك (نزار ما أخذ من ابوه الطبع القاسي.... بس كان عنيد والي في راسه بيمشيه وكان متشدد في ناحية العادات والتقاليد الي باعوها معضم الناس هذي الأيام)
أسماء: لاتوصي حريص دقايق

أسماء استأذنت البنات وراحت غرفتها وامسحت بقايا المكياج ولبست عبايتها والشيله ونزلت تحت بس في مشكله وين المسبح هي اول مره تشوف الشاليه مشت شوي لقت اثنين جالسين وما ميزتهم تلثمت بشيلتها لقت واحد منهم وقف وجاي جهتها قالت فرصه اسأله وهي ماتدري انها اقلبت كيان عبدالله لما شافها وقدر
يميزها مع انه من زمان ما شافها مشى جهتها بدون ما يحس ومحمود يناديه هي سمعت محمود يقول عبدالله صدت بوجها بتروح بس سمعت صوت يهز القلب من حزنه
عبدالله: اسماء.......شلونك
ما قدرت اسماء تلتفت لان عبدالله سيرته تقلب لها مواجعها تذكر يوم خطبها ابو جاسم ويوم وقف عبدالله قدام الكل بس على شان يساعدها ويمنع الخطبه لكن هذا مصيرها......... وويلي.......... على الدنيا

أسماء:بخير جعلك بخير
عبدالله: يعني .................مبسوطه مو قاصرك شي

بغت اسماء تموت لحظتها أي مبسوطه وأنا أموت في اليوم مئة مره الله يسامحك يا يبه

أسماء: لوسمحت عبدالله وين المسبح لان نزار ينتظرني وما اعرف وينه
سكت عبدالله هو عارف انها ما ردت على سؤاله مو تطنيش بس ماتبغى تشتكي.... ولا يمكن هي فعلا مبسوطه بس لو انها مبسوطه ليش ما ردت ليش
أسماء: عبدالله
عبدالله وهو وده انها ما تروح من جنبه: هاااا .......اي هذا الصوب
اشر لها جهة المسبح راحت اسماء وعبدالله يترقبها بعيون حيرانه

محمود يحط يده على كتف عبدالله: تراها راحت يا خوي
عبدالله:................
محمود: انت الى الآن تحبها
ألتفت له عبدالله وعيونه فيها الدموع: إلى الآن وإلى بكره .......لآخر العمر وعد مني يا أسماء
محمود: عاقل انت شوف حياتك ومستقبلك البنت خلاص مو حقك تزوجت مو لك فاهمني يا أخوي
عبدالله وهو يطالع محمود ووده يضربه كف : ماأقدر غصب عني مو بيدي تأكد

جنب المسبح كان نزار جالس وحاط رجلينه بالماي يحركهم بحركات عشوائيه وكأنه واحد في باله مشكله كبيره مو عارف يحلها باسته أسماء وجلست بجنبه طالعها وضحك

نزار:هههههههههههههه راح التعب والحزن وكل شي
أسماء: تفداك عيوني يا أخوي خير حبيبي طمني شكلك مو طبيعي
نزار: سلامتك سموي بس... انتي عارفه أمين ما غيره
أسماء: اووووه والله فكرت شي كبير ... وطيب تخانقتوا كالعاده وش صار يعني
نزار: ودي أذبحه ....... دوم مجنني
أسماء : يا خوي انت بعد حاط دوبك ودوبه فكنا من هالكلام وخلينا نفرح يومين
نزار: بحاول بس يا ليت يخليني بحالي مو دوم........
سمعو زغروطه كبيره كلللللللللللللللللللللللللللللوش
نزار: قومي يلا شكله مازن وصل
أسماء : الحمد لله على سلامته طيب من وين اروح عن الرجال
نزار:طلعي يمين بتلاقين المطبخ
أسماء :اوك نزار ابغى اشوف ضحكتك دوم
نزار :هههههه

راحت اسماء دخلت داخل لقت البنات كلهم لابسين وجالسين يطالعون من غرفة النسا يترقبون دخلة مازن وهو جاي يسلم على الحريم
دخل مازن طارت له رهف وشموخ وعيونهم مليانه دموع تلقى مازن رهف بحضنه ورفعها وصار يدور فيها
رهف: هههههه مزون والله بطيح نزلني
مازن والله اشتقت لك ولحركاتك هاا عساك بس عقلتي
رهف : افا عليك باقي لي سنه تطبيق بس واصير احسن دكتوره
شموخ: وخرررررررررررررري يعني انا مالي رب.... مزون
مازن : هلا بالدلوعه هلا عمري
شموخ: انت عمري وحياتي ها بشرنا عنك
مازن : بشوفتكم عال العال ........ قوه عمه
(راح لها مازن وباس راسها)
أم نزار وهي تبكي: هلا بالغالي شلونك يمه
مازن: متوحشكم كثير أخيرا رجعت لبلدي وناسي أول ما جيت سجدت لربي وشكرته السعاده ما تنوصف أبد
(رفع مازن راسه وسلم على حريم عمامه ولف جهة البنات)
اووه وش حلاتكم بس عندكم وحده لي ولا ادور لي بره تراني ابي اعرس
ضحكوا البنات ودخلو داخل وهم منحرجين رهف ضربت مازن: عيب احنا بالسعوديه ترانا ولا نسيت
مازن: هههههههههه
الهنوف وهي ترفع شيلتها : صحيح قليل حيا
البنات :ههههههههههه

دخل مازن عند الرجال وتجمعوا الشباب بعد وأمين رجع للشاليه مع انه كان متنرفز بس ما شاء الله عليه ولا يبين وكأنه العيد حطو العشا وتعشوا وهم بضحكهم وسوالفهم
نزار: هااااا يا الله
منيره: لحظه نزار لاتدخل البنات ما عليهم غطا
نزار : ناديلي أسماء
أسماء : إن شاء الله نزار جايه

راحت أسماء بره لقت نزار واقف على جنب وماد لها الجوال
أسماء خذت منه الجوال وبنبرة خوف: الووو
بوجاسم: بلاك انتي هبله وليش مو ماخذه جوالك أجلس انا ادورك وأكلم الي ما يسوى
أسماء تغيرت ملامحها وطالعت أخوها: هلا فيك انا طيبه انت بخير؟
بوجاسم: الله لا يجيب الغلا طسي مالت علي يوم خذتك بلوه وانا اشهد
أسماء: تامرني بشي ........ على خير مع السلامه
نزاريطالع بوجه اخته وهو مبتسم: الله يخلي جوالات نوكيا من سناعة الصوت تسمعك وتسمع الي حواليك
أسماء: ههههههههههه

دخلت اسماء وهي طافشه الحين انا اتعمد اني انسى الجوال على شان ما اسمع صوتك الله يهدك زين
منيره: وش بلاكم وكأنكم دنخرتوا هاا بشروني
شروق: انا بصعد الجهال وبنام معهم
الحريم قامو بعد : يا الله تصبحون على خير وجلسونا للصلاه

قامو كلهم وضلو البنات رهف وشموخ ولما وحور وامنيه واماني ومنيره والهنوف وأنوار
الهنوف: قوموا بس نصعد في الصاله فوق ونحط المسجله
الكل أيد وراحو فوق

منيره: طفش وش ذا
رهف: يلا سلينا
منيره: هاااااااااا........... ما ودكم بعرس بدوي على ايام الخيام
البنات: اوووووووووووووووووو روعه
رهف: بشرط انتي العروس
منيره :هههههههههههههههه أفا بس تتمسخرون علي عندكم بنات اقمار وتختاروني
لا انا بصير العريس وش رايكم
البنات:ههههههههههه
لما: طبعا العروس حور
البنات:واااااااااااااااااااااااااااااو
حور بدلع: ما حزرتو انا اعرس مره وحده
منيره: خلوها تلتعن مو انا المعرس بدور عروستي بنفسي.......... امممممممم شموخ العروس
البنات : الله
شموخ: هههههههه قبلت

قامو البنات يصفقون وصوتهم موصل لاخر الدنيا بس ما احد يكلمهم هذا الاسبوع لهم ينبسطون على كيف كيفهم صارو البنات مثل النحل مجموعه مع العروس ومجموعه مع العريس
لبست منيره الثوب وخطت لها شارب وحطت الشماغ والعقال وصار شكلها يضحك بس هذا هدفهم من اللعبه المرح اما شموخ فلبسوها جلابيه شك وقصيره شوي وحطوا لها اساور في رجولها يعني خلاخل ولبسوها قلاده على راسها يعني الهامه وضفرو شعرها وحطو لها روج احمر وكحلوها وحطو لها وشم بعد وغطوها بالشال تبع الجلابيه وبتدت الزفه
البنات : الف الصلاة والسلام عليك يا حبيب الله محمد كلللللللللللللللللللللللللللللللللللللللوش
الف الصلاة والسلام عليك يا حبيب الله محمد كللللللللللللللللللللللللللللللوش
ابتدوا بزفة شموخ وهي يعني مستحيه ورهف بجنبها يعني امها

لاإله الا الله ولا إله إلاالله
شيخة الزينات هلت وأقبلت
منهم مشيها مشي الظبي
من حلاها كنها الشمس شرقت
الف صلوا يا صبايا على النبي
طابت الفرحه وسمانا مطرت
والسعاده رفرفت في فرحنا
الف صلوا يا صبايا على النبي

والبنات شادين حليهم في الرقص وكأنهم صحيح بيزفون اليوم بنت عمهم وجلسوها على الكنب وبعدين إبتدت زفة شيخ الشباب وجنبه الهنوف ينقال امه وحور وراه تمسح على البشت يعني تجرأه
وابتدت الهنوف تغني: بين العصر والمغرب مرت لمت خياله
البنات: مرت لمت خياله
الهنوف: وعرفت فرس حبيبي لأنها شقرا ومياله
البنات: لأنها حلوه ومياله
الهنوف: ميلي يا بنيه ميلي يا ام الدشداشه النيلي
البنات : يا ام الدشداشه النيلي
الهنوف: حبك سرق دليلي وحرمني نومة ليلي وحرمني نومة ليلي

البنات سوو حلقه بين المعاريس واهم ميتين من الضحك ويرقصون ويزغرطون ولا تقولون الا عرس صحيح قابلت منيره شموخ وشالت الطرحه وتبسمت في وجها وقالت : ما عمري شفت بنت بهذي البشاعه

قامت شموخ تصرخ وتطارد منيره من مكان إلى مكان وهي ببشتها وماسكه عقالها بيدها وحالتها حاله وتصارخ من قمة راسها دخلت الغرفه وقفلت الباب والتفتت وهي تنفخ
بس ما كانت لوحدها في الغرفة كان واحد معها؟؟؟

.............: بسم الله الكافي منو أنت
منيره: ..............................................


يتبع.....


اتمنى الجزء يعجبكم والاقي تعليق عليه حتى اتشجع واقدم لكم الأفضل وعلى شان كذا ابغيكم تتوقعون معي

(1) شنو راح يصير بين عبدالله واسماء
(2) هل نزار بيعترف لحور ويصارحها بحبه؟؟
(3) منو الي شاف منيره في الغرفه وشنو راح يكون ردة فعلها

نلتقي عن قريب

قامت شموخ تصرخ وتطارد منيره من مكان إلى مكان وهي ببشتها وماسكه عقالها بيدها وحالتها حاله وتصارخ من قمة راسها دخلت الغرفه وقفلت الباب والتفتت وهي تنفخ
بس ما كانت لوحدها في الغرفة كان واحد معها؟؟؟

.............: بسم الله الكافي منو أنت
منيره: ..............................................

ضل مازن يطالع في منيره وهو مستغرب وشو ذا؟؟؟؟
وهي بعد ضلت مبلمه ولا نفس بس دموع تتسابق على النزول وفجأه دق الباب بقوه

شموخ: منيروه يا الزفته طلعي خربتي علينا العرس يلا بنكمل
مازن ابتسم شوي بس ابتسامته زادت مواجع منيره وقرب منها وقال
مازن: اما السكسوكه تخبل على السمران
منيره راحت صوب الباب وفتحته وهي تصيح بصوت عالي مرت من جنب شموخ الي استغربت يوم شافت مازن في الغرفه

شموخ : وش تسوي هني
مازن: مبروك يا عروس هههههههههههههههه
شموخ: ههههههه مسكينه منور وش سويت فيها
مازن: خبله ذي شمسويه بحالها
قامت شموخ تضحك وقصت على مازن القصه وهي فطسانه وهو بدوره صار يضرب برجوله على الأرض من الضحك

مازن: لو شفتي وجها يوم شافتني ههههههههههه وأنا اصلا مت من الرعبه هههههههههههه أقول منو هذا ههههههههههههههههه بموت وربي
شموخ: حرام تلاقيها زعلت
مازن وهو يمسح دموعه من الضحك : ما ادري شلون بنام اليوم كل ما اذكر الموقف هههههههههههههههههههههههههههههه

تركته شموخ وراحت على شان تشوف منيره الي هي بدورها رجعت عند البنات وهي تصارخ وتصيح مو مصدقه وش هالموقف والبنات كسرت خاطرهم وضلو ساكتين ولا كلمه..... وبعدين فجأه
منيره: هههههههههههههههههههههه
البنات: ههههههههههه وش فيش
منيره: لو شفتوا شكله ما اقوى ههههههههههههههههههه كان فطستوا من الضحك هههههههههههههه وي علي ولد خالي بيحرم البنات ههههههه
صارو البنات يضحكون ويعلقون على العرس وعلى الموقف بالذات... لدرجة ان منيره تكومت على روحها من التعب ونامت بالبشت

في يوم جديد ملئ بالمغامرات وحركات الشباب والبنات
شروق: صباح الخير حبيبي
محمود: صباح الحب عمري
شروق : احط لكم الفطور
محمود: يا ليت حياتي إذا ما في مانع
شروق: افا بس انت آمر
محمود : ما يامر عليك عدو حبيبتي
رهف:احم احم
شروق: صح النوم
محمود: هادم اللذات ومفرق الجماعات
رهف وهي تاكل توست: الي هو انت
شروق:ههههه
محمود: احلفي بس لا وتضحكين بدل ما تقولين الا حبيبي
شروق : عمري الي زعل حبيبي
محمود مسوي نفسه زعلان: مابي مابي لاتقربيلي
عبدالله: بو وليد
محمود: سم جايك جايك

طلع محمود وصار يتمشى مع عبدالله وراحوا جنب البحر
والبحر كان شديد وامواجه تجنن
محمود: علامك ساكت
عبدالله: ابد ما نمت البارح زين
محمود: ليه الشاليه مو مريح
عبدالله: بالعكس هواه يرد الروح بس الجو هذا مو جو وحده هذا يبغي له طيور حب
محمود: تلحلح وشوف لك عصفوره
عبدالله : انا ههههه يا حبك للمزح
محمود:اتكلم جد انا
عبدالله: وأسماء
محمود بعصبيه: مو اسماء عايشه مع واحد ثاني مشاركها حياتها ونفسها..... معاه اربع وعشرين ساعه ما تقول لي انت وين مكانك
عبدالله متنرفز: بس بس لاتذكرني
محمود: بتقنعني انك ناسي
راح محمود وترك عبدالله حاير لوحده ماله غير ربه شاف البحر قال ما احد بيطلع حرتي غيرك نزع ملابسه وصار يسبح ويسبح وهو مو حاس بنفسه عنده طاقه كبيره موقادر يشيلها يبغي يرتاح بس شلون؟؟(الله يعين المحبين)


في الشاليه جلست حور والهنوف من النوم اما منيره كانت مغطيه راسها بالبشت وكل ما قوماها رجعت تلف نفسها فيه.... بعد ما يأسوا البنات منها راحو وخلوها....ولما تأكدت انهم كلهم طلعوا رفعت البشت عن راسها وعيونها مورمه ودموعها مو جايه تخلص
وتقول في نفسها يا ليتني مت قبل ما صار الي صار الحين وش بيقول عني مخبول لا ومن حلاي اروح احلي روحي زود يااااااااااااااااربي وش اسوي
ورجعت تبكي وكأن الحادثه توها صايره

بجنب المسبح كانو الشباب جالسين وكانوا نزار وامين يطالعون بعض بكره ومهند يحاول قد ما يقدر ما يخليهم يتواجهون طاح بينهم المسكين

محمود من بعيد: صباح الخير
الشباب: صباح النور
محمود : وش فيكم خير تقولون اغراب وين الضحك والمزح
مهند: والجلسه تحلى بدونك
محمود: تسلم والله .......أقول فارس أمجد
فارس وأمجد: سم
محمود : ابغيكم تروحون تأجرون لنا دبابات للبحر وبعد ساعه نوافيكم
فارس: وكم دباب
محمود: منو بيروح
مهند: منو بيروح بعد..... كلنا
محمود: لا.... لازم 2 يتنازلون يجلسون عند الشاليه
نزار : انا بجلس
مازن: اوك اجلس انا بعد بس بشرط نطلع بالليل
محمود: وعلى شانك..... عشانا اليوم في فن تايم وش رايك
مازن: يسسسسسسسسس
طلعو فارس وامجد وبعد نص ساعه لحقوهم الشباب
مازن جالس مع نزار وطفش من الإنتظار

مازن: كأنهم تأخروا
نزار : أي تأخرو ما صار لهم ساعتين
مازن: مليت انا....... بروح عند خواتي شوي
نزار:يا ليت تنادي لي وحده من خواتي اتسلى وياها
مازن وهو بينفجر من الضحك: ومنو تبغي
نزار: أي وحده اقزر وياها زهقان
مازن: اوك
راح مازن داخل الشاليه: هاااااا يا الله
ام مهند: حياك يا ولدي
دخل مازن وما لقا احد من البنات : هلا خالتي وين رهف وشموخ
ام مهند : تراهم فوق ما تسمع صوت المسجله تعال حياك
مازن : لا بصعد لهم

في غرفة البنات هيصه وصراخ قوموا الدنيا ولا قعدوها كلهم مبسوطين وفرحانيين ما عدا وحده
حور: وش بلاك انتي ما تقومين..... اما صحيح بايخه
منيره: حور وخري عني ما لي خلق احد
حور تسوي نفسها زعلانه: حتى انا اهئ اهئ انا زعلت وما عاد تكلميني
منيره: اوووووف..... خلاص لا تزعلين كل شي ولا حور
حور: خلاص فكيها ابغى اشوف ضحكتك
منيره بفرح: هههه عيوني لك
(عمري على منيره حبيبة قلبي ما تهنت)
فجأه دق الباب بقوه
شروق: من خيرررررررر
مازن وهو يخشن صوته: الا اقول يا بنات القبايل احد منكم شاف اخوي متعب؟؟؟؟
رهف نطت بسرعه: الله يخزيك مفشلنا
وراحت صوب الباب
منيره: آآآآآآآآآآآآآآآآآآآه وقامت تبكي وتتشاهق
طلعت رهف وشافت مازن ميت ضحك سكرت الباب وراها وجرته من يده ودخلو الغرفه
رهف: انت وين عقلك بالله
مازن: هههههههه خير يا قمر
رهف : صحيح بايخ البنت مموته نفسها من الصياح من البارحه ما صدقنا انها بتهدى والحين يوم هدت جبت لنا مصيبه
مازن: انا آسف بس كنت امزح
رهف : وش مزحه انت هنتها.... احنا مسوينها ضحكه وانقلبت عليها.... مسكينه منيره
مازن ارتبك: والله ما قصدت واذا تبغين اعتذر منها ما عندي مانع
رهف: لالالالا تكفى تقوم تزيد الطين بله

في الغرفه
اسماء: خلاص يا عمري هدي الرجال يمزح
منيره وهي مغرقه وجها دموع: النذل صحيح خسيس
حور: خلاص عمري تعالي نغير جو
منيره: لا والله حور.... مالي خلق
حور بعند : بتنزلين يعني بتنزلين

وخذت حور منيره من يدها ونزلو تحت في الحديقه وكانت حور تتكلم وتهدي فيها وهي لا كلمه ولا نص بس جالسه تمسح في دموعها وكل ما مسحتها زادت
نزار: هلا منيره.......حور وش لونك
حور وهي تتلثم: هلا والله بنزار ...كيفك
نزار: تمام التمام مع الجو الحلو هذا والصحبه الطيبه

منيره تطالع اخوها وهو بياكل حور بعيونه وتطالع بحور الي تتلفت يمين وشمال تبغي مخرج من هالموقف رصت حور يد منيره فهمت منيره ان حور تبغي تروح وكأنها تطلب منها تتصرف
منيره: عن اذنك اخوي عندنا موضوع
وشدت يد حور وسحبتها وراها..... نزار عيونه بتطلع من الشوق وحور تبعد وتبعد ماشاف الا حور تطالعه من بعيد اشر لها بيده يعني تعالي..... جات حور تركض جهة نزار وحاول يروح لها ركض ويضمها بحضنه بس.... رجوله عيت تطاوعه وحور كل ما لها تقرب من عنده وقفت مقابلته وشالت اللثام عن وجهها.... لحظة صمت دارت بينهم وعيونهم تتأمل ببعض ونزار غارق في دوامة الحب وأخيرا تشجع ونطق

نزار: غلاي
حور.........
نزار: يا بسمة الماضي وحلم المستقبل
حور........
نزار : عيون المها ردي علي
حور: احبك بجنون
نزار بغى يموت من الفرح :لا اكيد اليوم منيتي حور تحبيني ماني مصدق
حور...........
نزار:انا كلمة احبك ما توفي.... انا اعشق تراب رجولك يا بعد هلي توني اليوم بديت احب الدنيا.... وكرهت الموت بوجودك..... حياتي ذهب احس اني طاير من الفرح..... بعد هذا اليوم انتي لي وما لك غيري سامعتني حبيبتي
ما حس الا بيد من وراه تهزه وتناديه نزار حبيبي وش فيك

التفت نزار لقى أسماء وراه: أسماء؟؟؟؟
أسماء: هلا اخوي قال مازن انك تبيني
مازن: أي هلا فيك
التفت مازن ما لقى حور: حور حــــــــــــــــــور
أسماء: وش تبغي منها
نزار:توها كانت يمي
أسماء بإستغراب:نزار وش فيك وانا جايه من بعيد اشوفك تكلم روحك ولما قربت منك ما حسيت فيني وصرت اناديك اكثر من مره وبعدين تقول حور يمك خير اخوي
انصدم نزار هاااااااااااااااااا معقوله يعني كنت اتخيل مستحيل يعني حور ما جاتني واعترفت لي لا مستحيل
ما شافت اسماء الا نزار جلس على الارض نادته بخوف
أسماء: نزااااااار
نزار: لاتخافين ما فيني شي بس .........
تعرفين كنت اتخيل ان حور كانت واقفه وياي وتكلمني وهالشي طلع ههه خيال
أسماء: دومك تحبها هالكثر بلاك ما تخطبها وش ناقصك
نزار: انتظر الوضيفه بعد اسبوعين واستقر كم شهر وبعدين بتقدم اكيد.... لا مو اكيد لازم
أسماء : الله يوفقك
..........: السلام عليكم
التفتت اسماء لقت عبدالله شكله تعبان كثير وشعره منكوش وحالته للبلى خافت عليه كثير
عبدالله كان واقف ويطالع بأسماء وهي بعد تطالعه بنظرات خوف نزار لاحظ هالشي
نزار: اسماء روحي داخل

انتبه عبدالله ونزل عيونه من عليها راحت اسماء من جنبهم وهي ما ودها ....تبغي تعرف وش صار لعبدالله وش فيه كذا حالته حاله
نزار: خير يا خوي وش فيك...... انت ما كنت عند الشباب؟
عبدالله: لا والله وينهم فيه
نزار: راحو ياخذون جوله بالدبابات
عبدالله وهو يتنهد من التعب: اهاا
نزار بإستغراب: عبدالله وين كنت
عبدالله: انا؟؟ اييييييي كنت اسبح في البحر

سمعو ضجه حوالينهم عرفو ان الشباب جاوا بهيصه وتعليق
جاهم مازن يركض
مازن: ايا الخونه كذا تخلونا هنا متمللين وانتوا رايحين تفلونها
مهند: الله ما اقولك شقد انبسطنا
مازن : ما يحتاج تقولون مبين من اشكالكم
محمود وهو يطالع عبدالله وهو مبتسم: الله بالخير
عبدالله يرد له الابتسامه: الله بالنور تو ما نور الشاليه
هناك عند المسبح جلسوا حور ومنيره سوالف وتعليقات ومبسوطين مره
حور: يا حبي لها الشرقيه هواها يرد الروح
منيره:إي والله وانا بعد اموت في البحر..... الا اقول
حور: هلا
منيره: وش رايك نسبح في المسبح
حور: انجنيتي يا الخبله
منيره ليه
حور: والشباب؟؟؟؟ لااااااااا والمسبح مفتوح
منيره :عادي نكلمهم يروحون أي مكان وحنا ناخذ راحتنا
حور: فكره قومي بس تأخرنا على البنات
في مكان الشباب..... كانو مبسوطين على الآخر الي يلعب شطرنج والي يلعب ورق والي ما عنده شغل غير انه يطالع ويعلق رفع مازن راسه ولمح ثنتين من بعيد شك ان تكون وحده منهم منيره بحكم انها كانت مليانه شوي.... وفكر انه يروح يعتذر لها وفز من مكانه واتجه صوب المسبح

نزار: مازن وين
مازن: بروح للمسبح خير
نزار بحده: لا تروح هناك البنات
مازن يا ويل قلبي من هالمعقد: طيب طيب
وراح مازن غير مساره وطلع بره الشاليه

في الصاله كان الكل جالس الحريم والبنات وكانوا يقارنون بين ايام اول وهذي الايام وشلون هذاك الزمن كان قاسي بس الكل كان متحمل ويقوم بواجبه على اكمل وجه والحين العكس

ام عبدالله: والله اني اذكر ايام اول يوم كنت اخم الحوش وانا حامل بعبدالله وكنت في شهري التاسع انا اخم وبطني موصل للأرض
ام مهند: لا مو كذابس.... كان الجو حار مره وكنا نطلع للسطوح على شان نفرش نترجى البراد
ام نزار: ايييييييييييييي والله ايام كان الواحد مرتاح كنت انا وأم حور صغيرات شوي وما يكلفونا بأشغال قاسيه وكانت ام محمود الله يرحمها ويغمد روحها الجنه تشيل يومنا

حور لما سمعت اسم امها تواخذت شوي... ما حست الا يد تطبطب عليها لقتها خالتها ام مشعل راحت لها حور وحضنتها وباستها
الكل قام يصفق

رهف: ما نقدر احنا على هالمشاعر
شروق: يعني واحنا يا يمه ما تعبنا ولا نتعب
ام مهند: تجيبون تعب قبل مثل اليوم؟؟؟؟ الي البنت ما تدخل بيت زوجها الا والشغاله فيه
منيره بدلع : يعني ما نستاهل
البنات:هههههههههههههه الا نستاهل
حور: عمه غني لنا من اغاني اول تكفين
ام نزار: غالي والطلب رخيص...... يا الله ساعدوني انتوا
البنات: يا الله
ام نزار: بين العصر والمغرب مرت لمت خياله

منيره فزت وهي حاطه يدينها على اذنها وودها تصيح :لالالالالالالالالالالا تكفون الا ذي
البنات:هههههههههههههههههه
حور: غيريها عمه تكفين

ام نزار: اليوم له يومين ما مر عليه
البنات وهم يصفقون:يمه ما مررررررررررررر عليه
ام نزار:ومنين اجيبه منين يصعب عليه
البنات:أي والله يصعععععععععععععب عليه
ام نزار: صكو علي الباب كني عدوه
البنات: يبه كني عدوه
ام نزار: يمكن منعوه هله والله منعوه هله
الكل قام يرقص وصاروا البنات يتلاوحون بشعورهم ويغنون مع الحريم ويطبلون على الطاولات والابواب وبعدين سمعوا دق قوي على الباب تناقزوا البنات وكل وحده راحت بصوب

محمود: هااااااا يا الله
الحريم : حياك محمود
محمود: السلام عليكم
العمه وهي تنافخ من التعب: وعليكم السلام هلا يمه
محمود: كأني سمعت صوت طقاقه منو بيعرس؟؟؟
البنات:ههههههههههه
ام نزار انحرجت وعصبت على محمود: خير وش تبي الواحد ما يحق له ينبسط
محمود: إلا إلا .... بس حبيت اقول لكم............... يا بنااااااااااااات زهبوا حالكم بنروح المطعم
البنات:هيييييييييييييييييييييييييييييييييييييييييي يييييييه
ام نزار: واحنا ما لنا رب
محمود وهو يضحك: إلا بكره نوديكم مطعم ايام زمان
ام نزار وهي معصبه ترمي الخداديه على محمود: ضف وجهك ولا عاد تجي صوبنا قال زمان قال
محمود وهو يسوي نفسه متألم: آآآآآآآآه يا رجلي كذا عمه عورتيني
ام نزار راحت صوب محمود وهي خايفه عليه: اسم الله عليك عمه يعل يدي الكسر
محمود اخذ يد ام نزار وباسها وهو يضحك ويكلمها بصوت واطي : اسم الله حولك وحواليك زهبي روحك يا الغاليه وجيبي الحجيات معك
ام نزاروهي تضحك: ربع ساعه وحنا زاهبين

بعد ما جهزوا الحريم قرروا يمشون بس لازم ينقسمون في السيارات
كل واحد اخذ عائلته ومشوا مع بعض وفي فن تايم اخذوا غرف انقسموا الى اربع اقسام الرجال في غرفه والحريم في غرفه والبنات في غرفه اما الشباب فضلوا إنهم يجلسون بره على شان الجلسات الخطيره الي فيه

محمود: امجد انت روح سجل طلبات الرجال..... وفارس روح شوف طلبات البنات...... وانت يا مازن روح شوف طلبات الحريم
مازن بقهر: لا تكفى الا الحريم بيبهدلوني.... والي تبغي كبسه والي تبغي ثريد والله مالي خلق تكفى تكفـــــــــــــــــــــــــــــــــــــــــــــــ ــــــــــي
فارس: ههههههه افا عليك خلهم علي
مازن بفرح: تسلم حبيبي

راح مازن عند البنات وهو بيدخل كان يفكر بمنيره ووده يشوفها ما يدري ليه..... يمكن حس انه غلط عليها ويبغي يعتذر
دق مازن الباب بأدب
البنات: يسسسسسسسسسس
دخل مازن وهو مبتسم: طلباتكم صبايا
طالع مازن على يمينه ما لقاها بينهم طالع على يساره لقاها تطالعه بكره وودها تقوم تذبحه

دخل مازن وهو مبتسم: طلباتكم صبايا
طالع مازن على يمينه ما لقاها بينهم طالع على يساره لقاها تطالعه بكره وودها تقوم تذبحه

ابتسم لها مازن لفت هي بدورها وجها عنه
رهف وهي تضحك: احلى جرسون شفته بحياتي
مازن وهو يضحك ويطالع صوب منيره:اعجبك انا
البنات: هههههههههه

الكل طلب وجبات سريعه والله مصيبه حتى في المطعم عرب وش نسوي(على العين والراس) الا منيره ما طلبت
مازن بكل عذوبه: باقي وحده ما طلبت ولا....... تبغيني اطلب لها على ذوقي
التفتت منيره وطالعت مازن وقالت بنبره حاده: لو سمحت جيب لي همبرجر
ابتسم مازن وما علق طلع وتركهم بعد كذا لفت حور وطالعت منيره
منيره بصوت واطي: لا تلوميني غصب عني
حور: فكي هالتكشيره ولا اقول لابوي اني بطلت ما ابغى اجلس هني
منيره: اوووه كان اموت
حور: هههههههه

الجلسه كانت ولا اروع تعشوا البنات وبعد ما خلصوا فتحوا الشبابيك إلي على البحر وصاروا يرمون الخبز للسمك وما يشوفون الا الخبز يتلاشى لان السمك يتجمع عليه ويا كلونه...... وهم يعلقون ويسولفون قررو يطلعون يتمشون بره.... لما طلعو بره شافوا الشباب جالسين ومهيصين... ما داروا لهم بال لكن........

نزار: خير وين على الله
البنات.............
عبدالله :وش بلاك خلهم يتمشون
نزار وهو محمق: من جدك انت
مهند: وش فيها يعني
نزار موصل حده: اييي اوك..... اسماء الهنوف منيره روحوا داخل والباقي براحتكم
مازن: وش فيك الدنيا امان
نزار: هذا بالنسبه لك
سكتوا الجميع واهم بجد مغتاضين منه بس خواته وهوا حر فيهم
اسماء والهنوف ومنيره راحوا بيرجعون بس لقوا البنات رجعوا معاهم واجد تضايقوا الشباب من هذا الموقف وكسروا خاطرهم البنات
عبدالله : يالله مشينا
محمود: يالله
تحركوا كلهم ورجعوا الشاليه البنات راحوا مع امهم غرفتها
منيره بزعل: شفتي يمه نزار وش سوى
الهنوف: ما تقولين الا بزران مكان مسكر والامن في كل مكان ما ادري خايف منا ولا علينا
منيره:ايي تربية الوالد
ام نزار: عيب لاتجيبون طاري ابوكم بالشينه ملائكته حاضره وثانيا نزار ما سوى كذا الا خايف عليكم وانتوا امانه برقبته وخاصه ابوه مو موجود
اسماء كانت ساكته هي عارفه نزار عدل... هو متضايق في شي قالب كيانه وانا عارفته بس ما اقدر اتصرف او أقول شي

في الحديقه تحت الشباب جالسين وتعبانين من بعد يوم حافل
عبدالله: وين مخططين على شان بكره
محمود: بنروح البحر
عبدالله: من أي صوب
محمود: الي جنب الدبابات بس ها نبغي اكل بيت نسوي الغدا وناخذه معانا
مازن: الله نبغى كبسه
فارس: هههههههه توك تلوم الحريم انهم طالبينها
مازن : هههههه كل ما اذكر العمه يوم تطلب هريس ابغي انبط من الضحك

نزار ما علق بس بان عليه الإستياء من كلام مازن بس مازن ماعبره وصار يكمل
مازن: بصراحه احنا نضحك... ما ادري وش صاير لنا الي يطلب هريس وإلي يبغي جريش !! لا وابوي طالب مرقوق هههههههه بالله عليكم مطعم كبير مثل ليالينا يطلبون فيه كذا
امجد: هههههه لا والبنات قال ايش قال وجبات سريعه كان وفروا علينا الطلعه وجبناه بالبيت

مازن يوم قال امجد البنات**** لمعت عينه تذكر منيره ونظرتها له... وابتسم وقال في نفسه هذا وهي زعلانه عيونها تجنن اجل لو تبتسم وش راح تصير
مهند: لاحظتوا شي يا شباب
الشباب : خير
مهند: مازن من جا من السفر وهو بس قاعد يضحك لا يكون تخبل؟؟
مازن (والله ما تدرون وش فيني): خلاص بقلبها لكم غم مثل خوينا
طالعه نزار وهو كان عارف انه يقصده بس ما اهتم له وما عبره بنظره
نزار: تصبحون على خير
الشباب: وانت من اهله
تفرقوا الشباب كل واحد راح ينام مع انهم ما ودهم هذي الايام تخلص.... بجد مرتاحين ومبسوطين
في وقت صلاة الصبح
حور: شهد حبيبتي الصلاه
شهد: ابغي انام
حور لا حبيبتي ما يصير قومي صلي
شهد : ان شاء الله
حور : الله يتقبل عمري
منيره: منا ومنكم صالح الاعمال
حور: كأني احلم..... اليوم آخر يوم لنا هنا وبعدين بنرجع الرياض
منيره: أي والله خساره بس تبين الصدق الرياض لها وحشه بعد
حور: اكيد طبعا ... بس جمعتنا حلوه كثير وما تتكرر
منيره: حور بقول لك شي
حور: لبيه يا قلب حور
منيره بتردد: ما ادري وش اقول بس ........ تهقين مازن زعل مني
حور وهي تخفي ابتسامتها: شكله كذا
منيره بخوف: صحيح
حور:هههههههه ... خير يا طير
منيره: وشو
حور: بدت الحلوه تميل
منيره بزعل: ما هقيتها منك بس اقول انتي ما تنلامين انا الغبيه الي تكلمت معك اصلا يالله بنام ولا ابغي اسمع صوتك
حور وهي تبتسم: براحتك

شروق: يلا حبايبي تأخرنا عليهم ساره ماما جففي شعرك على شان ما تمرضين واذا خلص اخوك حمام خليه يبدل ملابسه
ساره: انزين
راحت شروق وصحت باقي البنات الي راح يصلي والي راح يتحمم كل واحد مشغول بنفسه

شروق: الي يخلص ينزل يساعدنا تحت
البنات: على خير

منيره راحت عند شموخ بتستعير منها الإستشوار تبعها
شموخ: مو مشكله بس استشوري شعرك هنا ماتطلعين فيه ان طلع ما راح يرجع انا اعرف حركاتكم
منيره: مالت اقول من زينه
شموخ: وشو
منيره: ههههه من عيوني
شموخ : حسبت
شروق: شموخ حبيبتي روحي ساعدي ساره ووليد لين اكمل ترتيب الاغراض ولا ما خلصتي
شموخ : لالا دقايق

راحت شموخ وسكرت الباب وراها وخلت منيره في الغرفه تكمل شعرها وهي مشغوله بشعرها سمعت دقتين على الباب ما لحقت تقول مين الا ومازن قدامها...... شافها مازن وبلم حس بقلبه يدق بسرعه وين دخلت انا شهقت منيره لما شافته وفزت من مكانها ما عندها شي تغطي فيه شعرها وجسمها(كانت لابسه بلوزه كت لونها تركواز وبنطلون ابيض وكانت بجد انيقه) وراحت صوب الباب بس كان مازن مغطي الباب بجسمه تبغيه يبعد بس هو ما كان منتبه كان جالس يدقق فيها ومبلم

منيره بخوف وشوي تصيح: ل...........لوسمحت
انتبه مازن لنفسه بعد شوي عن الباب مرت منيره من جنبه وبغت تروح بس ناداها
مازن : منيره
التفتت منيره بدون ولا كلمه
مازن: انا........انا آسف ما كان قصدي
لفت منيره وراحت من قدامه.... دخل مازن غرفة شموخ وسكر الباب وسند ظهره للباب وهو مبهور وش هالحلا يا منيره كل هذا كانت مغطيته العبايه والشيله عيون عسليه وبشره سمراء صافيه وشعر اسود حريري وجمال بدوي اصيل
***** انا طحت وما احد سمى علي*****
راحت منيره الغرفه وهي بتموت من الحيا الحمد لله ما كان فيها احد
صارت تقول في نفسها يا رب وش صاير لنا ما تصير المواقف الشينه الا وياه وياليته واحد عادي!!! لا كل اشوي يتمسخر علي ........ بس وش فيه كان يبحلق فيني كذا شكله خاف مني ههههههههههه
لما: منيره؟؟؟ ما لبستي الكل ينتظرك بره
منيره: اوه دقايق البس عباتي

راحو الجماعه عند البحر وحطوا لهم الشراع لان البنات ما رضوا يدخلون في خيام كانوا يبغون يشبعون من البحر فقالوا الشراع احسن
حطوا الغدا وتغدوا طبعا العمه ام نزار ما خلت في نفس عيال اخوانها شي ما ضل شي ما سوته واولهم الكبسه الي طلبها مازن جلسوا مبسوطين ودلال الشاي تتراقص مع دلال القهوه تلاقي القليل منهم الي ما يشربونهم وما اقول لكم عن الحلى والمكسرات والي يشوفهم يقول ما تغدوا(ههههه عليهم بالعافيه)

قاموا الشباب يتمشون ولما بعدوا راحوا البنات بعد في مجموعات امنيه واماني ولما وانوار جلسوا عند البحر وصاروا يتنافسون على رمي الحجاره وإتفقوا على إن الي توصل ابعد حد هي بتصير العروسه رقم واحد فيهم وكل وحده كانت ترمي قد ما تقدر لما وجعتهم اياديهم (ههههههه العرس وما يسوي)

شروق راحت مع ام مشعل واولادهم صوب المراجيح على شان ينتبهون لعيالهم اما رهف ففضلت تجلس مع اسماء حتى يتكلمون في مصيرها وما جرى عليها ولأن رهف حبت ترفع من معنوياتها وتقويها على الضلم
اما شموخ وحور ومنيره والهنوف راحوا يتمشون على البحر بعدوا شوي لقوا الشباب من بعيد بعضهم يتفرج والباقي راكبين دبابات كانوا كل واحد فيهم يطلع مهاراته يبغي يبان الاحسن

حور: بموت ابغى اركب الدباب
منيره: يا ليت
شموخ : لو بيدنا كنا طيران
حور: هاااا.... تقوون قلبكم
الهنوف: لا والله أحلفوا!!! منور لو يشوفنا نزار كان يذبحنا
حور: وش دراهم عنا نروح نأجر لنا دبابين وكل ثنتين مع بعض واحنا متلثمين وش دراهم عنا
منيره وهي تأشر لها بيدها: انتي كذا
البنات:هههههههه

راحوا للهندي الي عنده الدبابات واخذوا اثنين واحد مسكته حور وشموخ من وراها والثاني مسكته منيره والهنوف وراها اول ما ركبوا كانو خايفين شوي بس بعدين صار حماس وصاروا البنات يجولون في كل مكان وفجأه .................................طااااااااااااااخ

صدم دباب حور وشموخ بدباب ثاني صرخوا البنات صرخه وحده طاروا من اثرها وتلقتهم الأرض صرخت منيره ونادت بصوت عالي : حـــــــــــــــــــور

سمعها نزار ميز صوت اخته والي ذبحه انها تصرخ بأسم حور راح يركض بس مو قادر يشوف هم وين شاف ناس مجتمعه تأكد انهم هناك وفي المكان الثاني كانوا البنات يتصايحون والدباب مقلوب وفي واحد ماسك حور ويحاول يصحيها

عبدالله وهو يبعد الناس عنهم: خلاص يا جماعه حصل خير هذول خواتي
منيره وهي تبكي: امين وش بها حور
امين مو حاس بالدنيا ومو حاس بالوقت يطالع هذا الملاك الي قدامه..... أي اكيد ملاك يمشي على الأرض هذا مو جمال بشر وهو يحاول يصحيها ويطبطب على خدها ويناديها : حور... حور انتي بخير
فتحت حور عيونها واستغربت من أمين ما عرفته فزت من عنده وهي خايفه: منو انت
امين وهو مرتبك: لاتخافين انا امين انتي بخير
حور طالعت حواليها وشافت منيره بغت تروح لها بس ما تمالكت نفسها وطاحت بجنب امين
امين:حور بسم الله عليك
نزار جا يركض تطمن يوم شاف خواته بخير بس وين حور؟؟؟؟

حور كانت جنب امين وهو حاط يده على خدها يبغي يصحيها مسكه نزار بدون ما يشعر من ثوبه وجره مثل البهايم عنده وصرخ في وجهه
نزار: اسمع لاعاد تقرب لها ولا ترا موتك اقرب
امين عصب من حركاته شال يده منه بقوه
أمين: روح لايكون اذبحك هنا
نزار معصب : تذبح مين يا شيخ
كل واحد مسك الثاني وصاروا يتخانقون قدام العالم

عبدالله رفع حور بين ايدينه وصار يمشي بها جهة الحريم والبنات يركضون وراه لقا محمود ومهند جايين جهته
محمود وهو ينفخ: خير ....... وش فيه
عبدالله : روح هناك للمخابيل
محمود: منو
عبدالله وهو يركض : امين ونزار يتخانقون قدام خلق الله
راح مهند طيران جهة امين ومحمود لحقه وما شافوا الا الناس مجتمعين عليهم الي يشجع والي يفاكك بينهم مهند راح مسك امين ومحمود مسك نزار

نزار: تعال يا ابن ال......... ان ما ربيتك
امين: ما انت بصاحي روح شوف دكتور
نزار : قسما بالله العضيم لو تمسكها بيدك مره ثانيه لأقطعها لك
امين: ما عليك شرهه ابوك نص عمره بالشوارع وش بيربي غير اشكالك
نزار وهو وده يقتله: قص بلسانك يا بن ال........

من بعيد بوعبدالله بو محمود وبو مهند جايين جهتهم
بو عبدالله وهو معصب: قدامي يلا يلاااااااااا

هناك عند الحريم جا عبدالله وفي يده حور استغربوا الحريم وصاروا يتشاهقون جا بو مشعل ركض جهتهم تركهم عبدالله وراح يشوف الشباب
بو مشعل وهو يبكي: بنتي حبيبتي وش بلاك
ام نزار وهي تصرخ في منيره: وش صار فيكم وش بها حور
صارت منيره تبكي وتقص لأمها الي صار وكيف صار الحادث في هذا الوقت جاهم مهند : لو سمحتوا اكشف عليها
بو مشعل: تعال شوف وش فيها
ام نزار: يمه حور وش بلاك
انتبهت حور وفتحت عيونها لقت ام نزار تطالعها تبسمت في وجها: عمه لا تخافين انا بخير
راحت منيره في حضن حور وهي تبكي من قلب وحور تطمنها انها بخير
مهند: تحسين بشي يألمك
حور وهي تعدل لثامها: يدي شوي الى الكتف
مهند: خليني اشوف
كشف مهند عليها وتطمن : ما فيك غير رضوض بس لازم الف لك يدك وارفعها
حور: طيب
مهند : في الشاليه طبعا هنا ما فيه استعدادات

نزار من ورا الشراع وهو ينفخ: منيره الهنوف

منيره والهنوف ................................

طالعوا الهنوف ومنيره بعض وقرروا يطلعون يشوفون اخوهم وش يبغى (وبيني وبينكم وقوع البلا ولا انتظاره)
نزاركان شكله مبهدل لدرجة الجنون: آآآآآآآآآآآه .......أخبار حور؟
منيره: بخير رضوض بسيطه
نزار: الحمد لله.... يالله جهزوا اغراضكم بشيك على السياره ربع ساعه تكونون جاهزين
البنات صكت فيهم الدنيا بس ما حبوا يكلمون نزار لأنهم لو يكلمونه الله عالم وش بيصير
الهنوف: خير على امرك

دخلوا البنات وبلغوا امهم ان نزار يبغى يمشي
ام نزار ماكانت تدري بالي صار
أم نزار: خير اخوكم فيه شي
منيره: لا يمه هو بخير بس يبغي يمشي
ام نزار:خلاص.... نمر ناخذ اغراضنا من الشاليه
حور واجد تضايقت وحاولت تستفسر من منيره بس منيره ما حبت تقول لها إن هي السبب على شان ما تزعلها بس الي انصدم اليوم هي اسماء الي بتظطر مكرهه انها تقابل بو جاسم
اسماء: لا ما ودنا نروح
منيره بزعل: تبغين تقعدي اقعدي ما احد ماسكك
الهنوف: أي والله فرصه يمكن يطلقك
ام نزار : قص الله لسانك يا بنت لا عاد اسمعك تجيبين ذا الطاري
الهنوف بأسى : إن شاء الله يمه

ودعوا بعض وحور خذت منيره في حضنها بس منيره هدأتها ووعدتها بعد ما يرجعون الرياض بتجي تزورها ركبوا السياره وكلهم ساكتين ام نزار واسماء ما يدرون بالسالفه بس ما حبت ام نزار انها تكلمه وهو معصب وراهم طريق طويل راحوا الشاليه واخذوا اغراضهم وحركوا في رعاية الله
نزار: تبغون شي من المحطه تاكلون ولا شي للشرب
ما احد رد انقذت ام نزار الموقف
أم نزار: جيب لنا مويه يا وليدي ولا تنسى الصدقه تدفع عنا البلا
نزار: تامرين يمه

هناك في البحر حور جالسه مع شموخ الي كانت تقص لها القصه بالكامل يوم كان مغمى عليها انصدمت حور من الي سمعته
حور: وليه نزار يسوي كذا
شموخ: تسوين نفسك مو فاهمه..... آآآآآآآآآه الحب وما يسوي
حور بإستغراب: تهقين
شموخ : اكيد

هنااااااااااك بعيد على البحر كان امين جالس يتذكر الي صار بينه وبين نزار ويكلم نفسه الحين وش بلاه هالمجنون مسكني من ثيابي وهاتك يا ضرب لا يكون بينهم قصة حب هذول الإثنين..... وانا وش علي منهم يحبون بعض ولا يكرهون انا مالي دخل فيهم بس بصراحه حرام فيه هالجمال هذا الي ما يستاهل شغالتنا يروح يحب هذا الملاك.... والله انك مو سهله يا بنت عمي كنتي بالأول حلوه بس الحين صرتي تطيرين العقل .........
بس لا اوريك يا نزاروه الكلب ان ما ربيتك ما اكون ولد ابوي
عبدالله: امين يلا بنمشي
امين: اييييييييي يالله أنا بجد تعبان
عبدالله: بنروح الشاليه وبعد ما تريح ابغيك بموضوع
امين: ماشي
تحركوا لجهة الشاليهات الليله آخر ليله