حور الجنان باللهجة السعودية

ام مشعل: اكلم انا ابوك تجلسين مع نزار وامين كل واحد بروحه وتشوفين شقد هم يبغونك ومتمسكين فيك وتدرسين شخصياتهم وبعدين تقررين
حور وهي تفكر: صعبه والله .... احس اني بستحي وما راح اقدر اتكلم
ام مشعل : مو لازم تتكلمين
حور بإستغراب:......... كيف؟؟؟
ام مشعل : بهذا
واشرت على الكمبيوتر حور صارت تضحك وراحت تبوس خالتها
حور: والله خوش حل...... بس منين بجيب ايميلاتهم
ام مشعل: ابوك يدبرها
حور: لالالالا.......استحي اقوله
ام مشعل: ومنو قال انك بتقولين له وانا وين رحت
حور: الله يخليك لي وارد لك جزء من جمايلك

بالفعل راحت ام مشعل لابو مشعل وحطت راسها براسه وقالت له كل شي
( حريم بعد من الألف إلى الياء)
ما تردد ابو مشعل انه يتصل على امين ونزار
ما اخبي عليكم نزار ارتبك شوي بس ما عارض
( وكيف يعارض هذي حور) اما امين فعجبته السالفه فسأل ابو مشعل
امين: الا يا عمي متى بتدخل تكلمني؟؟
ابو مشعل ما رد عليه وسكر الخط في وجهه( صحيح جريئ)

منيره إلى الآن ما تكلم حور تحس انها تضغط على نفسها بس غصب
عنها تبغي تعرف معزتها عند حور
اما ام نزار فكانت مطمنه كثير ومو شايله هم دخلت عليها اسماء
كالعاده تبكي

ام نزار: يمه بنيتي شفيك يا عمري
اسماء وهي تبكي: بمووووووت يمه
ام نزار: بسم الله عليك من الموت لعدوينك ان شاء الله
اسماء: يمه شوفي شو سوى فيني يدي ما اقدر احركها
ام نزار تبكي : الشكوه لله من هالظالم الحين بدق لأخوك يوديك
المستشفى وهم كذا دخل ابو نزار وشاف بنته ماسكه
يدها وغرقانه بدموعها
بو نزار: وش فيك يا اسماء منو سوا فيك كذا
اسماء بقهر:يبه الي يبيع بهيمته ماله حق يسأل عنها
سكت ابو نزار وما رد عليها بس كلمتها اثرت على هذا الجبل الي
ما يتأثر بشي
ام نزار كلمت نزار الي جاها مسرع من شغله وكان يهدد ويتوعد
انه بيدخله السجن
وداها المستشفى وطلع عندها كسر وجبسوا لها يدها
(وإن شاء الله عبدالله ما يسمع ........منو يدري وش بيسوي)

في اليوم الثاني
في الدور الثاني في غرفة حور كانت جالسه على الكمبيوتر وخايفه تفتحه
بعد ساعة دخلت الماسنجر ودخلت ايميل نزار وامين سوت لهم إضافة
ما اقول لكم طبعا نزار.... من كلمه بو مشعل هو يا اما في الدوام او على الماسنجر شافها ضافها وهو بجد متوتر

*غرامي عيونك*
هلا

حور بجد كانت متردده وكانت مطفيه الأنوار كلها وجالسه تسمع موسيقى تهدي بها اعصابها

*غرامي عيونك*
هلا بالغلا

*شمعه لا تنطفئ*
هلا بيك

*غرامي عيونك*
اشتقت لك

*شمعه لا تنطفئ*
...........

*غرامي عيونك*
آسف لا يكون ضايقتك

*شمعه لا تنطفئ*
بسيطه مو مشكله....... المهم

*غرامي عيونك*
آمريني يا الغلا

*شمعه لا تنطفئ*
انا هنا ابغي اشوف وش عندك

*غرامي عيونك*
وش تحبين تعرفين

*شمعه لا تنطفئ*
الي يهمني..... ليش انا مو غيري!!!

*غرامي عيونك*
آآآآآآآآآآآآآآه لانك غرامي

*شمعه لا تنطفئ*
................

*غرامي عيونك*
انت هواي انت ملاكي انت انا وانا انت اعشقك حد الجنون
لا مو بس كذا اكثر

*شمعه لا تنطفئ*
............

*غرامي عيونك*
حور وانا صاحي ونايم اردد اسمك..... اذا نمت احلم فيك احس انك
بجانبي على طول
لو واحد غيري بسبب الأجواء الي حواليه(يقصد ابوه وتعامله معه)
كان هيهات يقدر يواصل تعليمه لكن انا اصريت وصرت في الشرطه
ادافع عن المظلوم واوقف في وجه الظالم على شان مين ؟؟؟
ومنو الي دفعني لهذا ما سألتي نفسك

*شمعه لا تنطفئ*
من متى!!

*غرامي عيونك*
من انخلقتي.... كنت انا صغير صحيح بس كنت اراعيك واحرص
عليك واخاف يصيبك شي انتي هواي فاهمه

*شمعه لا تنطفئ*
نزار

*غرامي عيونك*
روحه وقلبه وحياته

*شمعه لا تنطفئ*
وإن رفضتك وش بيصير

*غرامي عيونك*
ترفضيني!! مستحيل

*شمعه لا تنطفئ*
ليه مو من حقي

*غرامي عيونك*
بلى .... بس اكيد ما راح تسوينها فيني انا اعشقك انت مناي
انت اليوم وبكره انت الماضي والمستقبل انت الزاد والهواء

*شمعه لا تنطفئ*
خلاص مشكور ولد عمتي .... أستأذنك

*غرامي عيونك*
لحظه حياتي

*شمعه لا تنطفئ*
نعم ؟؟؟ ما اعتقد باقي شي ما قلته

*غرامي عيونك*
بلى .... كلمتين بس

*شمعه لا تنطفئ*
خير ....تفضل

*غرامي عيونك*
غزا حبك مثل الدم يسري بين خلاياي
حتى اني لم اعد اشكوا الضيم
فالقلب صار ارجوحة
قلما يشعر بين جدرانه الألم
*غروب*

سكرت حور الصفحة بعد ما حفظتها وسوت له حظر وهي بجد ترتجف
من كلامه وتضحك على نفسها وتقول في خاطرها
شلون لو صرت قدامه يمكن كنت مت

ما امداها تاخذ نفس الا بدخلة امين
حور تجاهلته بغته هو الي يطلبها لكنها انتظرت كثير فقررت هي الي تبدأ

*شمعه لا تنطفئ*
السلام عليكم

*طار عقلي في سما الإبداع*
وعليكم السلام .... هلا وغلا

*شمعه لا تنطفئ*
هلا بيك

*طار عقلي في سما الإبداع*
شخبارك حور

*شمعه لا تنطفئ*
بخير .... وانت

*طار عقلي في سما الإبداع*
انا تمام...... انا قدامك ومستعد للإجابه هههههه

*شمعه لا تنطفئ*
وكأنك تستخف بالموضوع

*طار عقلي في سما الإبداع*
أنا ابد وحياتك بس ..... عاجبني الموضوع

*شمعه لا تنطفئ*
وش عاجبك فيه

*طار عقلي في سما الإبداع*
انا احب الصراحه والوضوح ..... ولوكان مباشر كان تمام

*شمعه لا تنطفئ*
وش معنى!!!

*طار عقلي في سما الإبداع*
انا افهم كثير في لغة العيون بس احب الهمس احب اسمع اكثر

حور تقول في نفسها وش فيه هذا يتفلسف شايف نفسه على ايش

*شمعه لا تنطفئ*
امين وش معنى انا.... ليش مو غيري

*طار عقلي في سما الإبداع*
شوفي حور... انا احب الصراحه كثير انا يوم صار لك الحادث
على البحر حسيت وكأن بمشاعر كانت مدفونه بقلبي بتدت تطلع
تذكرت كثير ايام واحنا صغار وحسيت انك تعنين لي شي كبير

*شمعه لا تنطفئ*
وش بينك وبين نزار ؟؟؟؟ واشمعنى يوم نزار خطبني وقفت في وجهه

*طار عقلي في سما الإبداع*
اسمحي لي حور.....الي بيني وبين نزار شي خاص فينا
ولا تعتقدين اني خطبتك غيره في نزار
بس ما ادري حسيت ان حياتي بتكون احلى معك انت

*شمعه لا تنطفئ*
وإن رفضتك امين...... وش بيصير

*طار عقلي في سما الإبداع*
شوفي حور انا اكيد اتمناك لي بس القسمه والنصيب
واتمنى لك السعاده معي او مع نزار وتأكدي اني احترم رايك

*شمعه لا تنطفئ*
استأذن امين.... مشكور

*طار عقلي في سما الإبداع*
في حفظ الله

سكرت حور الإميل وهي حاطه يدها على قلبها وتقول في نفسها
الموضوع صعب اشتري القلب او العقل يارب ساعدني
صارت حور كل شوي وتفتح الحوار الي دار بينهم ومحتاره كثير

امين سكر الإميل ويقول في نفسه وش جاها ذي لا يكون تفكر اني بنذبح
عليها ترى البنات ما خلصت من الديره بس وش اسوي مجبور

في المستشفى اول يوم تطبيق عند رهف دخلت رهف للقسم
وفي البدايه خلوها تطبق في العياده الشامله دخلت عند
مدير القسم

رهف: السلام عليكم
....: هلا والله
رهف: معاك رهف بنت عبدالله ال........
......: اييي هلا فيك معاك الدكتور غيث
رهف: تشرفنا
د.غيث: احنا اكثر ...... مستعده د.رهف
رهف بإرتباك: إن شاء الله
د. غيث: راح تبتدين تطبيق مع الدكتور سلطان في العياده
الشامله رقم العياده 12
رهف: تسلم والله
د.غيث: حياك ونبغي نسمع كل طيب عنك
رهف: يارب .... ادعي لي انت
د.غيث: الله يوفقك ... تفضلي

طلعت رهف وهي مرتبكه ومتوتره مو عارفه شنو راح يصير رفعت راسها وشافت رقم الغرفه وتأكدت اكثر لما شافت اسم الدكتور عليها
قبل ما تدق الباب انفتح الباب بقوه وطلع منه دكتور.....
رهف اول ما فتح الباب شهقت وبغت تطيح لانه كان قريب منها
وهي بدون شعور بغت تبعد عنه

رهف بإرتباك: عذرا
مهند: لا بسيطه
تركها مهند وراح عنها عيادته ما ترددت رهف وراحت تدق الباب
الممرضه: ايوه
رهف فتحت الباب ودخلت وسلمت رد عليها الدكتور سلطان السلام
رهف : انا رهف عبدالله ال.....
د. سلطان: يا هلا فيك
رهف: مشكور
د.سلطان: انتي من آل......
رهف : ايي نعم
د.سلطان: وش يقرب لك الدكتور مهند ال....
رهف : ولد عمي
د.سلطان زاد الترحيب: هلا والله فيك هذا مكانك حياك
رهف: هههههه ما تقصر
د.سلطان: هو عنده علم انك بتطبقين هنا
رهف بإرتباك: ليش هو يشتغل هنا .... ما كنت اعرف
جلست رهف ورفع سلطان التلفون ودق على مهند
د.مهند: خيييييييييييييير..... ما امداك تشتاق لي
د.سلطان: منو تتوقع عندي
د.مهند: منو يعني المدير؟؟؟؟ أخيرا بيفنشك
د.سلطان: صحيح ما انت آدمي .... شوف ترا بنت عمك عندي
لا يكون تزعلني
مهند بإستغراب : بنت عمي؟؟؟؟ وش تسوي عندك ؟؟؟؟؟
وأي بنت عم؟؟؟؟ وش فيها خيرررر؟؟؟؟
د.سلطان:رهف و للأسف الحاله مو مطمنه يا ليت تجي تشوفها
ترك مهند عيادته وراح يسرع وهو متوتر خير وش صار ويوم وصل
صار يلتفت يدور يمكن يشوف عمه او محمود معها فتح الباب
بسرعه ودخل لقا سلطان يطالعه ويضحك وشاف رهف
مبتسمه ومنزله راسها

د.مهند وهو يتصنع الهدوء: خير سلطان وش فيه
د.سلطان: هههههههه صادوه
مهند صار يطالعه وهو معصب
د.سلطان: اقدم لك الدكتوره رهف بنت عبدالله ال....
وهي تطبق عندي
د.مهند: حياك الله
طلع وتركهم وسكر الباب بكل قوته وهو يكلم نفسه وضغطه
موصل مليون وصار يقول في نفسه من امتى بنات آل ......
يختلطون بالرجال ومو أي اختلاط كاشفه وجها ولا عليها
من احد صحيح زمن والله ذا البنات يخلون الواحد يخجل منهم
وانت يا سلطان هين ان ما وريتك جالس تضحك وتسولف ولا همك

رهف ارتبكت كثير هي اول مره تشوف مهند هي تعرفه صحيح بس من بعيد الى بعيد ما تعرف ملامحه...... وشلون بغيت اصدم فيه من شوي وما عرفته وشكله تضايق كثير يوم شافني الله يعين
حاولت تمحيه من مخيلتها وما تعطيه اهتمام وتخليها تنتبه لمستقبلها

في قسم محمود كان محمود نايم ولا هامه العيال صراخ ونجره وهو
في سابع نومه وليد مسك جوال ابوه وصار يتعبث فيه وهو كذا دق الجوال مسج
وليد: بابا شوف جوالك يدق
محمود وهو غرقان في النوم: خله عنك ولا تحركه
جات شروق لقت وليد ما سك جوال ابوه
شروق: وليد ليه ما سك الجوال بيدك ؟؟؟؟ بابا ما يرضى
وليد: ماما دق جوال بابا وهو ما يبغيه
شروق فكرت بينها وبين نفسها ... دام محمود نايم خليني افتح الجوال يمكن اعرف السر الي مغير محمود جايز يكون في الموضوع
وحده ثانيه
بالفعل خذت شروق جوال محمود وراحت به المطبخ وشافت انه
جاي له مسج خافت كثير يشوفها وصارت تتلفت على روحها
من الخوف استجمعت شجاعتها وافتحت المسج ( وش شافت)

*همس الكلام*
حبيبي اشتقت لك كثير
اليوم ما دخلت الشات
طمني عنك بليز
انتظرك على الساعه
10 لا تتأخر
احبك حبيبي

في بيت بو مشعل كانت حور جالسه في غرفتها ولأول مره الصمت يعم المكان دق ابوها الباب وما انتظر انها ترد حور شافت ابوها قدامها فزت واقفه
بو مشعل: وش لونها بنيتي
حور: بخير يبه ... حياك
بو مشعل: تسلمين يا الغاليه
حور: .........
بو مشعل: ها فكرتي يا بنيتي
حور:.........
بو مشعل: صار لنا اسبوع من كلمونا الجماعه وانتي إلى الآن ما رديتي
حور:...........
بو مشعل: يا بنتي تراهم اهل وما يصير نتأخر عليهم يا رفض او قبول
ها يا بنيتي وش رايك
حور وهي منزله راسها بحيا: يبه خلاص انا قررت
؟؟؟؟؟؟؟؟؟؟

هناك في بيت ام نزار كان نزار والعايله جالسين يشربون قهوه ويا كلون حلى العصر
منيره: نزار اخوي ودنا نطلع متمللين
نزار: ما لي خلق
الهنوف: لو عندنا بحر كان ما احترنا وين نروح
منيره: الله يخلي المجمعات
ام نزار وهي تشوف ولدها مو معهم: بعدين يمه مره ثانيه

قاموا البنات يتأففون وينافخون من الزهق وصعدوا غرفتهم
ام نزار: وش فيك يمه مو عاجبني
نزار وهو يطالع امه: ما تلاحظين انهم تأخروا
ام نزار تبغي تهدي ولدها: لا يمه وش فيك مستعجل
نزار وهو يبتسم لها : لالا ما ني مستعجل الرد بس اهم شي شنو
هذا الرد
في هذي الأثناء دق جوال نزار فتحه طالعه بإستغراب
وبعدين عطاه مشغول
دق الجوال مره ثانيه
ام نزار: خير يمه منو
نزار بإستغراب : هذا امين
ام نزار: رد عليه شوف وش يبغي
نزار رد بعنف : خيرررررر
امين: هلا وغلا بوجه الخير ههههههه
نزار : .............
امين: بارك لي يا الإخو
نزار: وشــــــــــــــــــــــــــــــــــــــــــــــو
امين: حور اختارتني انا هاردلك حبيبي هههههههههههههه

يا الله لا تبخلو علي بالردود أنتظر الردود

ام نزار: خير يمه منو
نزار: بإستغراب هذا امين
ام نزار: رد عليه شوف وش يبغي
نزار رد: خيرررررر
امين: هلا وغلا بوجه الخير ههههههه
نزار : .............
امين: بارك لي يا الإخو
نزار: وشــــــــــــــــــــــــــــــــــــــــــــــو
امين: حور اختارتني انا هاردلك حبيبي هههههههههههههه

نزار لفت الدنيا فيه وصار يسترجع احلامه وخيالاته وصوت حور ونظراتها
كانت ضحكة امين ترن في اذنه وحس كأن قلبه طاح من السما لسابع ارض
طاح الجوال من يده وصارت دموعه غصب عنه تنزل ويردد اسمها

ام نزار مفزوعه: بسم الله عليك يمه..... وش فيك
نزار وهو يصرخ: حور يمه حور
ام نزار ماسكه ولدها لا ينهار وتبكي معه
نزار يصرخ: حور ليش...... وانا الي حبيتك وكنت مستعد اخلي خدي مداس لرجولك
خنتيني يا الغاليه ....ليـــــــــــــــــــــــــــش

منيره والهنوف نزلوا يركضون وخايفين لا تكون اسماء صار فيها شي
بس هالمره الدور على سندهم وحاميهم نزار
نزار وهو يصرخ: ما اقدر يا حور تكونين لغيري يمسك خدك ويسمع همسك حرام والله حرام........ بقتلك يا امين بقتلك
ام نزار وهي تبكي: لا يمه تكفى مالي غيرك بتضيعنا يا وليدي
نزار بس دموع:..................
ام نزار اشرت على البنات على شان يصعدون ما تبغيهم يشوفونه كذا
ام نزار: يمه هذي الدنيا ... ما كل ما يتمناه المرء يدركه
وطالما انت تحبها هالكثر لازم تتمنى لها السعاده
نزار تعبان مو قادر حتى يوقف جلس على الأرض وهو يتمتم
نزار: ما توقعتها منك يا عيوني ...... وين بتروحين عني
قولي لي وش لون امحيك من واقعي وحلمي
ام نزار مو قادره تسوي شي لنزار الا انها تقرى عليه
(مافي اصعب من القلب المكسور ما ينجبر)

هناك عند امين....... مو قادر يستقر ما يدري هو زعلان ولا فرحان
ويقول في نفسه ما توقعتها تقبل بصراحه توقعتها تحبه يمكن عمي غصب عليها؟؟؟
لا مستحيل عمي ما يسويها آآآآآآآآآآخ لو اني كنت يمك يا نزار حتى اعرف وش كانت ردة فعلك ...... بس لايكون تسرعت انا ودبست روحي ......
لالالا حور أي شاب يتمناها مع اني مو جاهز للزواج بس بصراحه حور تستاهل التضحيه

عند حور كان ابوها جالس بجنبها وبجد مبسوط وهي بعد بس خايفه تسبب مشاكل بين العائله كانت تفكر بمنيره الي كانت اول وحده تدق عليها لو صار شي
الحين وينك يا منيره تمنيتك اول وحده تبارك لي بعد ابوي
تركها بو مشعل ونزل تحت حطت هي راسها على السرير تبغي ترتاح
من اسبوع ما ضاقت عينها النوم وتوها غمضت عيونها الا دق جوالها
ترددت قبل ما ترفع بس شافت رقم منيره

حور: هلا عمري
منيره كانت تبكي:..............
حور صارت تبكي بعد:منيره حبيبتي ردي علي
منيره ودموعها تسيل: بتذبحين اخوي يا حور
حور : غصب عني ........ انتي عارفه
منيره وهي تصرخ على حور: ومنو غاصبك هاا قولي لي
ما توقعت انك تعضي اليد الي اطعمتك
حور زادت بكي: منـــــــيره...... تراني ما اسمح لك
منيره: حور ليش كذا ...... تعرفين وش سويتي؟؟؟ ليش رفضتي اخوي وهو الي يموت فيك...... بعتيه وعلى شان منو ....
حور: منيره انا ما ابغي اخسرك
منيره: ليه انتي لسه ما خسرتيني يا حور
حور رمت التلفون وحطت راسها على السرير وصارت تبكي
بألم ما كنت اتوقع اني ممكن اخسرك في يوم من الأيام
حور ظلت تبكي لحد ما نامت(الله يلوم الي يلومك)

هناك في بيت ابو نزار صعد نزار الغرفه وقفل على نفسه الباب وظل يتأمل في الدولاب وصار يطالعه وهو يضحك راح عنده وفتحه وطلع دبدوب صغير وصار يمسح عليه ويقول ..... حور حبيبتي تذكرين هذا الدبدوب هذا يوم كنا صغار وامين كان يبغى ياخذه منك ورحت انا لحقته وضربته واخذته منه ولما عطيتك اياه تبسمتي لي وقلتي.... انت الي رجعته يبقى لك هديه مني من يومها انا قررت اهديك اياه يوم زواجنا......
حضن الدبدوب وصار يبكي خسارتك يا حور خسارتك......
وهو كذا اختل توازنه وطاح على الأرض مو حاس بالدنيا

هناك ببيت بو محمود كانت شروق في المطبخ متأثره بإلي شافته يعني
معقوله محمود حبيب عمري يخوني ومنو ذي الي وياه لا يكون زوجته
لالا ما يسويها ....... وهي على حالها دخل محمود

محمود: وش فيك
شروق:هلا حبيبي
محمود: اشوفك سرحانه ..... وكأنك تبكين
شروق: هههه لا ابد بس البصل وسواياه
محمود راح جهتها: حبيبتي تركي عنك والشغاله ليه ما خليتيها
تصعد تسوي الي خاطرك فيه
شروق بدلع: انت ناسي اني احب اوكلك من ايدي
محمود وهو يبوس يدها: تسلم ايدك وعيونك
تركهامحمود بيروح داخل نادته شروق : محمود
محمود: لبيه
شروق: جوالك
طالعها محمود بإستغراب يعني وش يسوي عندك
شروق: كان عند وليد يلعب فيه .... يا ليت ترفعه عنه
محمود بإرتباك: خير إن شاء الله
راح محمود عنها وهي ودها تصرخ من علو صوتها بس فكرت بعقل انا ما ابغي اخسره انا اشتريك بحياتي يا محمود

في بيت اسماء كانت جالسه تكلم امها في التلفون الي صارت تخبرها
بآخر الاخبار اسماء ما قدرت تمسك نفسها وصارت تبكي

ام نزار: يمه يا اسماء
اسماء: ليش حور تسوي كذا حور منا وفينا ليش ترمي سهامها صوبنا
ام نزار: اسماء هذا زواج ويا بنيتي الزواج قسمه ونصيب تبغينها
توافق على اخوك وهي مو مقتنعه وبعدين تعيش وتعيشه في جحيم
وهذاك الوقت ما راح احد يفيدهم
اسماء: أي بس يمه ليه احنا بالذات الي يصير عندنا ذا الشي
بالأول انا وبعدين نزار ليش دايما مو موفقين
ام نزار بحده: استغفري ربك يا يمه ما على حكمة ربك اعتراض...
وابغي منك شي حبيبتي ومو بس انتي المعنيه
هذي منيره والهنوف جنبي ويسمعون ما ابغي حور يتغير
عليها شي من معاملتكم وحطوا نفسكم مكانها يمه

منيره كانت جالسه بجنب امها وكانت تسمع كلامها ودموعها على خدها
اسماء بإرتباك: يم.... يمه هذا بو جاسم معك يبغى يسلم عليك
بو جاسم: كيفك عمه توحشناك( عمه....مصدق عمره ذا )
ام نزار ببرود: بخير.... تسلم
بو جاسم: عمه وصي اسماء علي تراها مقصره
اسماء افتحت عيونها على الآخر وش يقول ذا
ام نزار بحده: انا موصيتها قبل لا تقول والحين اوصيك عليها انت لو جا بنتي شي ما راح نسكت لك فاهم .... وسكرت الخط في وجهه
بو جاسم: عساك للبلى
اسماء معصبهوراحت غرفتها بس هو ما تركها جرها من شعرها إلى المطبخ وقال لها:حطي عشاي وبعدين انخمدي
اسماء الي ما تشوف طريقها من البكي تقول بصوت واطي الله ياخذني وارتاح
تكفيني شوفت وجهك... يالدني

منيره بعد ما سمعت كلام امها راحت غرفتها تبكي ليش انا عاملت حور
بهذي القسوه انا والله احبها واتمناها تكون قريبه يمي ما حست بنفسها الا وهي
رافعه الجوال وتدق رقم حور

حور:............
منيره وهي ما زالت تبكي: انا آسفه
حور: منيره انتي مو حاسه بالي انا فيه
منيره بهدوء: اسمعك
حور: منيره انتي زعلانه اني وافقت على امين وما وافقت على نزار
واكيد مو بس انتي الي زعلانه اكيد كلكم
منيره:............
حور: منيره انا كلمت نزار على الماسنجر وامين بعد وحسيت
ايش قد اهم متناقضين
منيره: وش قصدك
حور: حطي نفسك مكاني .... لو جاك ثنين احسن من بعض بس
واحد يعبدك حد الجنون والثاني معجب بك .... منو تختارين
منيره بثقه: الي يحبني طبعا
حور: هذا في وضعك لكن انا ..... لا
منيره: كيف
حور: منيره لو فكرتي انا مالي احد غير ابوي اتركه واتزوج نزار مع احترامي
له يحبني حد الجنون وما يقدر يعيش من غيري ولو صابتني شوكه
بيظل يتأوه جنبي وينهار .... ليه لأنه عايش على شاني وانا الي امده بالماي والهوا
يعني لو انا اموت نزار بيلحقني بدون تفكير

منيره:..........
حور: لكن امين غير..... صحيح هو معجب فيني..... بس احس اني انا الي محتاجته يعني لو اطيح في مشكله احس في رجال بيحميني وانا وحيده مالي احد اقدر اعتمد عليه في اخذ قراراتي مو واحد انا امشيه زي ما ابغى... المهم ماأزعل
ابغي واحد يقولي صح ...وغلط ... وهذا ايي... وهذا لا
مو واحد انا الي اسيره
منيره: يعني اخوي مو رجال
حور متنرفزه: انا ما قلت كذا نزار والنعم فيه بس نزار محتاجني لكن انا
محتاجه من ؟؟؟ فاهمتني
منيره بحزن: انا آسفه يا حور انا كان كل همي انك تصيرين جنبي واذا اخذتي اخوي بتتغير حياتنا بس نزار يا حور بدونك ولا شي
حور بغضب: لا..... لاتقولين على نزار كذا نزار قدها وبيقدر يوقف على رجليه
بس يبغي له وقت صدقيني يا منيره
منيره: انا اموت فيك
حور: هههههههه يعني بشوفك
منيره بلهفه: اكيد بكره.... وانا استغني

في اليوم الثاني تحت عند ام نزارابو مشعل كلم ابو نزار واعتذر منه
وقاله ان احنا اهل سواء بحور او من غيرها ونزار الف وحده تتمناه.... وتمنى
له السعاده والتوفيق بعد ما سكر بو مشعل

بو نزار: انا ما قلت لك اخوانك هوامير ما يتنزلون لنا
ام نزار:............
بو نزار: ما ادري وش شايفين روحهم عليه
ام نزار: يا بو نزار الزواج قسمه ونصيب لو هي مكتوبه له كان اخذها
ابو نزار: اكلي تبن وما ابغي اسمع صوتك وبيت اخوك هذا ما تطبينه
ولو سمعت انك رحتي ما تلومين الا نفسك
ام نزار وهي تبكي: لا يا بو نزار الا اخواني
بو نزار: كلام يوصلك ويتعداك
في هذا الوقت نزل نزار من فوق
نزار: لا يبه لا تقول كذا
بو نزار: ايا الدرو الحين يرفضونك على شان واحد ما يسوى
وانت تدافع عنهم
نزار: هذا انت قلت يبه اهم رفضوني انا......... وانا مو زعلان
ام نزار راحت حضنت نزار وهي تبكي والله والنعم فيك عرفتي تربي يا ام نزار
تركها نزار وراح سيارته بيروح الشغل وقلبه متولع مستحيل تبرد ناره
وهو قال ذا الكلام بس على شان خاطر امه بس كان يتوعد في امين ويقول في نفسه
والله لأحرمك السعاده واوديك ورا الشمس وكان يتذكر حور ويقول

*ليتني أحكي*
تمادت مشاعري في حزنها حتى اني
لن اتمكن من مجارات الزمن
فبغيرك لا كنت ولن اكن
وليست لها من غيرك طعم
حياة البؤس والظلم والحزن
بيدك كسرت قلب لن ينجبر
فها انا كنت بحبك هائم
اليوم بعد حبك ..... احتظر
*غروب*

في بيت بو عبدالله كانوا جالسين الشباب يفطرون

عبدالله: تدري امين احس ان تصرفك ما كان لائق
امين: انا .... ليه
عبدالله: احسها عيب الرجال جاي يخطبها تعفس عليهم الدنيا
امين يبتسم: تبغيني اصير سلبي وبعدين تضيع مني البنت
عبدالله عرف ان امين كان يقصدهسكت وما رد عليه
فارس: يمه بصراحه امين حمسني ابغي اعرس
ام عبدالله: اكيد جنيت ما ادري منو بترضى فيك وانت توك
فارس : هههههه كثير انتي قولي صار وهم يطلعون
امين: حشا لله يطلعون جناني هم ههههههه
ام عبدالله تحط يدها على يد عبدالله وتبتسم له: وانت يا وليدي
ما ودك بعروس يمه
عبدالله طالعها وصار يضحك : اسألي امين هو يجاوبك
تركهم عبدالله وراح امين حس انه زودها وقال لازم اعتذر له
امين: الا اقول يمه
ام عبدالله: هلا يا وليدي
امين: ابغاك تكلمين ام مشعل اني بجيهم بعد بكره اشوف العروس
ام عبدالله : يوه ليه
امين: ابغى اشوف النظره الشرعيه بعد من حقي ولا لا
ام عبدالله: والله انا ما ادري عن حركاتكم........ بالأول كانت الحرمه من حياها
ما تشوف زوجها الا بعد اسبوع
فارس: لا والله ليه يحبسونها
ام عبدالله: هههههه لا بس من حياها تظل منزله راسها وما ترفعه ابد
الكل:ههههههههههههه

في المستشفى كان الدكتور سلطان يكشف على المرضى ورهف كانت
تدون كل الي يقوله وكانت مهتمه كثير بالأساسيات
في فترة الراحه دق سلطان على مهند كالعاده
د.سلطان: بلاك ما جيت
د.مهند: ماني جاي
د.سلطان : ليه
د.مهند: عندي شغل
د.سلطان: والله ان ما جيت احنا بنجيك
د.مهند: انتو.....انتو من؟؟؟
د.سلطان: انا ود.رهف
مهند توتر وتضايق الحين اروح انا اجلس معها واتكلم عادي ولا كأن شي
صاير ......طيب اذاما رحت لهم بيجون عندي .... ان لله اروح انا عندهم
ربع ساعه وارجع
د.سلطان: نمت وينك
د.مهند: جاي
سكر الخط وراح عندهم وهو بجد متضايق مو حاب هالجلسه
دق الباب دخل وسلم ردوا عليه السلام
رهف: كيف حالك مهند .....وعمي شلونه
مهند طالعها بإحتقار: طيبين
سكتت رهف بس بان عليها الإستياء
سلطان يبغي يطري الجو: والله يا مهند الظاهر كلكم عباقره
د.رهف من الحين وهي ما شاء الله عليها ممتازه
رهف صارت تضحك: هههههههه تلميذتك
مهند تضايق اكثر لا وتضحك له بعد يا ليت ترفع الحجاب ما بقى شي
مهند:لا يغرك كلها سنه ولا ثنتين يجيها ولد الحلال وتجلس حالها حال غيرها
رهف ودها تصفقه كف: مستحيل
مهند وهو يقلب جواله: عن اذنكم عندي مريض
سلطان: ما جلست مهند...ما سمعنا حتى ضحكتك وش فيك
مهند وهو يطالع رهف بإحتقار: ما ادري احس الجو فيه شي
يبغي له تعقيم
طلع وتركهم رهف تضايقت وودها تبكي بس لا المكان ولا الوقت يسمحون بذا الشي
سلطانوهو منحرج: عذرا
رهف وهي تبتسم: لالا بسيطه

في الجامعه عند حور ومنيره
منيره: والله كبرتي يا حوير وبتتزوجين
حور: ههههه الله يستر
منيره: خير
حور:لا ابد بس الزواج مسؤليه اخاف اني ماني قدها
منيره: وش يبغي له الزواج.... لبس وكشخه وتمشيات الله
وناسه ... يا رب توعدنا
حور: ان شاء الله .... الا وش اخبار خوي متعب
منيره:ههههه من ذاك اليوم ما يرسل شي
حور: كله منك خربتي على نفسك
منيره: انا كنت بتأكد إذا هو من جده ولا يلعب
حور: وش شفتي
منيره: لو يحبني كان ما يأس لكن للأسف كل.....
قاطعتها رنة مسج جوالها طالعت حور بنظره إرتباك
منيره: تهقين هو
حور: ما ادري فتحيه وشوفي
منيره: لالا احس جسمي يرجف فتحيه انتي
فتحت حور المسج وقرته ورفعت راسها وطاحت عينها في عين منيره الي كانت نظراتها تسأل مئة سؤال
حور: هههههههههههههههههههه

منيره: لو يحبني كان ما يأس لكن للأسف كل.....
قاطعتها رنة مسج جوالها طالعت حور بنظره إرتباك
منيره: تهقين هو
حور: ما ادري فتحيه وشوفي
منيره: لالا احس جسمي يرجف فتحيه انتي
فتحت حور المسج وقرته ورفعت راسها وطاحت عينها في عين منيره الي كانت نظراتها تسأل مئة سؤال
حور: هههههههههههههههههههه
منيره بإرتباك: حور قولي لي هو
حور: هههههههه لالالا هذا الجوال جايب لك فاتورتك
منيره: اووووف
حور بتمني: اتمنى اعيش قصة حب حلوه مع امين
منيره: هههه..... اكيد بتعيشينها
حور: ههههه احس اني ما اعرف اقول كلام حلو بس بتكلم بلخبط الدنيا
منيره: شوفي حبيبتي لا تقنعيني انك ما تحبينه
حور: انا..... ما ادري
منيره: حور الحب شي جميل وامين الحين خطيبك يعني لا تستحين
حور: ههههههه ما اخبي عليك انا ابتديت اتعود على الفكره انه
خطيبي وبديت اتعلق فيه
منيره: ما اقدر انا على الحب
دق مسج لمنيره صاروا يضحكون فتحته منيره بدون مبالاه

*اشتقت لك*
جمله من كلمتين..... بس وش تعني لي
وأهم شي وش تعني لك...... بالنسبه لي
عايش في دوامه نفسي استقر
اعرف الي لي والي علي مبادره منك
بتريحني ....لو مسج فاضي
(خوي متعب)

منيره فمها وصل لاذنها من الإبتسامه وعطت حور الجوال
حور: الله يا عيني ... يا ليتك يا امين تطلع رومنسي كذا
منيره بصوت عالي: قولي ما شاء الله
حور: ما شاء الله الف مره .... ترى عيني بارده
منيره: ما تهمني عيونك المهم عيونه
حور: يلا رسلي له مسج وبلا كثرة حكي
منيره: لا .... وش بيقول عني
حور : بيقول تحبني وهذا الصدق
منيره: حور لو انتي مكاني سويتيها
حور: لو نفس ضروفك اكيد
منيره تفكر: وش ارسل له
حور: ارسلي له دعاء
منيره طالعتها بقهر: بلا فلسفه
حور: شو اسوي لك صايره مطوعه علينا
منيره

k.... برسل له
رسلت له مسج فاضي طار عقله يوم شاف المرسل
*قمر ليلي*
وراح بسرعة رسل لها مسج ثاني
*لانك أنتي*

لانك انتي الحب العذب
رجعتي لقلبي دقاته
كان عايم على شط البحر
يائس من دنيا خوانه
تعذب فيه ولا تهتم
ميت ولااا شاكي من الهم
جيتي انت بكل الحب
بصوت النور وحياته
احبك
*غروب*
(خوي متعب)

في المطار محمد وامين في الكافتيريا
محمد: ههههه مبروك ياالغالي الله يهنيكم يا رب
امين: تسلم والله.... عقبالك
محمد: قريب انشاء الله
امين: هااا... ناوي
محمد: بصراحه شفتك تحمست
امين: هههه طول عمري الدافع
محمد: اقول يا الإخو لا تغتر
امين: هههههههه
محمد: ومتى الملكه
امين : ما ادري......بكره بروح اشوفها ونحدد الملكه مع عمي
محمد: لا والله .... هنيا لك
امين: لا تحط عينك تخرب السالفه كلها
محمد: والله كان نزار يجي يبوس راسي
امين قام متنرفز: لا تجيب لي طاريه ولا بتندم
مشى امين عنه ومحمد صار يناديه تعال انا امزح وش صار
لكن امين مطنشه ومو ماعطيه وجه

في بيت بو مشعل رجعت حور من الجامعه وهي تعبانه شافت ابوها
جالس في الصاله وطت عليه وباست راسه ويده
بو مشعل: هلا وغلا بعروستنا
حور وهي تبتسم: هلا بيك يبه.....شلونك
بو مشعل: بخيريبه..... الا اقول
حور وهي تجلس: هلا
بو مشعل : سمعي يبه بكره بيجي عمك بو عبدالله وامين حتى نحدد وقت الملكه
وهذا امين يبغي يشوفك
حور مرتبكه: لا لا لا يبه شنو يشوفني
بو مشعل: هههه لاتخافين يبه وبعدين من حقه
حور: أي من حقه ؟؟؟هو ولد عمي ويعرفني زين
بو مشعل: انا بصير جنبك وانا ابوك ما راح اخليك بروحك
حور: طيب يبه على امرك.......بس
بو مشعل: بس وشو
حور : البس شيلتي
بو مشعل: ولونه بيزعل بس براحتك
حور ابتسمت لأبوها وراحت فوق في غرفتها
دخلت الغرفة كانت متوتره ما تدري وش تسوي وتقول في نفسها ياربي
بموت اصلا انا استحي ....فكرت شوي.....

وبعدين راحت بسرعه مسكت جوالها بتدق على منيره ما لها غيرها لقت
جوالها مغلق
احتارت رفعت السماعه ودقت على البيت دق التلفون مرتين وبعدين تذكرت
حور شي وقالت في نفسها وش فيك يا حور نسيتي موقفهم منك.....
الي سويتيه مو شي هين
خافت وسكرت الخط قبل لا يرفعون
نزارشاف الرقم في الكاشف وعرف انه بيت عمه انقبض قلبه بس
حب يسمع صوتها يمكن آخر مره يسمعه ودق عليها
نزار: .......
حور: الوووو
نزار: مناي
حور: ........
نزار: تكفين لا تسكتين ابغي اسمع صوتك
حور: ............
نزار:اوعدك هذي آخر مره اكلمك.....بس محتاج اعرف ليه
حور بتردد: نزار انت مثل اخوي الي ما جابته امي
نزار وهو يصرخ: بس انا مو اخوك سامعه.... انتبه لنفسه
وهدى شوي..... انتي حبيبتي
حور تبكي: ...........
نزار سمع صوت بكاها: لالا يا حور ..... لا تبكين
حور: اسمع نزار انا راهنت عليك انك بتنسى وتعيش حياتك
ويا ليت تكون قدها..... اسلم عليك وسامحني
سكرت حور السماعه ونزار للحين حاطها بإذنه ويقول بحزن
احبك يا حور والي طلبتيه صعب يصير وامين هذا ما راح اخليه يتهنى فيك

اليوم الثاني في بيت محمود دق الباب
ساره: منووووو
شموخ: انا عمه افتحي
ساره وهي تفتح: لالا عمه لا تدخلين
شموخ: صحيح قليلة حيا
ساره: لا عمه لا تزعلين بس امي تقول لا تفتحون لاحد
شموخ: اها وينها امك روحي ناديها
ساره: امي تبكي في غرفتها
شموخ مفزوعه: تبكي!!!! ليه
راحت شموخ وهي تسرع فتحت الباب شافت شروق جالسه وحاطه يدها
على راسها وتبكي
شموخ: وش فيك ... شــــــــروق
شروق كانت تأشر لها بيدها انها بخير وحاولت تقوم بس طاحت للأرض
شموخ وهي خايفه: شروق وش فيك
شروق: ما فيني شي.... لا تخافين بس جيبي لي عصير احس اني تعبانه
راحت وجابت لها عصير شربت شروق العصير وهدأت شوي
شموخ: خير شروق وش بلاك
شروق: لا تخافين بس عندي ارهاق
في هذا الوقت دخل محمود وشاف شروق على السرير وجنبها
شموخ مات من الخوف عليها
محمود برعب: وش فيه... خير
شروق: سلامتك.... شوية تعب
محمود راح جلس جنبها وباسها : عمري لا ترهقين نفسك احنا ما لنا غيرك
شموخ حست ان وجودها ماله معنى: استاذن انا واذا بغيتي شي ناديني
محمود:ههههه ما افتكينا من رهف كبرتي انتي وصرتي لي عظم
شموخ: ههههههه
راحت شموخ من عندهم شروق تطالع في محمود وهي تتساءل
لو ما شفت المسج كنت ما صدقت...... خانتها دمعه ونزلت غصب عنها
على وجها
محمود وهو يمسح دموعها: له له له وليش الدموع يا عمري
شروق تحط راسها في حضنه وهو يلمها لصدره
محمود وهو يبوسها بين عيونها : مو لايق عليك التعب
بعدين شرد محمود كان يفكر وراح لعالم ثاني بس وين؟؟

في بيت بوعبدالله
امنيه: عمري اخوي وديني بيت عمي
فارس: ليش؟؟؟
امنيه: بروح اذاكر مع انوار
فارس ببرود: وليه هي ما تجي
امنيه: هي دايم تجي والحين اصرت اني انا الي اروح
فارس: وان ما وديتك وش بيصير
امنيه : بزعل منك
فارس: ههه بالطقاق اصلا هذا الي ابيه
امنيه: تكفى لا تخليني اتذلل لك اكثر
فارس: خلي امين يوديك ولا انا السواق للبيت
امنيه:اوووف اصلا لو امين موجود ما كان احتجت لأحد
فارس بتعجب: ليه هو وينه
امنيه: عند الخطيبه
فارس: احلفي!!!!
امنيه : ههههههه وش فيك
فارس: ابي اعرس انا
امنيه: جنيت انت
فارس: صار عمري 20 إلى متى انتظر
امنيه جلست تضحك ودق جوالها طالعت فارس
فارس: وش فيك
امنيه: هذي انوار الله يعيني عليها ... شقولها الحين انا
فارس : هاتي الجوال انا الي بقولها
امنيه: لو موتك
رفعت امنيه الجوال : هلا وغلا
انوار صوتها واصل إلى بره: للحين ما طلعتي.... وهذا جزاي مسويه لك حلى كنك كفوووو
امنيه: لا والله ... شسوي فيه هذا فارس مو راضي يجيبني
اخذ فارس السماعه من اخته وحطها في اذنه(وش سمع)
انوار: ينقلع يجيبك وراسه فوق رقبته هالغبي
فارس انصدم: منو الغبي
شهقت انوار يوم سمعت صوته وقفلت الخط في وجهه
فارس معصب: دقي عليها
امنيه وهي ودها تضحك بس ماسكه نفسها : وش فيك..... شنو قالت
فارس وهو يصرخ: دقي اقولك وخليه سبيكر
خافت امنيه ودقت على انوار وسوت مثل ما قال لها
انوار:.........
امنيه: انوار
انوار: صحيح دبه وليش تخلينه يشيل السماعه ... يستاهل
فارس معصب: انتظر اعتذار
انوار:...............
فارس وهو يصرخ: انـــــــــــــــــوار
انوار وهي تبكي: آسفه
فارس بغى يموت من الضحك:ههههههههههههههههههههههه
امنيه سكرت السبيكروكلمت انوار الي هي كانت تبكي وتتوعد
في امنيه وفارس كان يضحك ويقول لامنيه
فارس: اذا تبغي تروحين جهزي حالك بس بشرط
امنيه مبسوطه: الي تبي آمرني
فارس وهو يضحك: صينية الحلى
امنيه: وشووووووو
فارس: اسألي انوار اذا ترضى ولا جلسي مكانك
امنيه مبهوره: انوار سمعتي
انوار وهي تبكي: خليه ياخذها عساه..... سكتت خافت يكون الجوال على السبيكر
سكرت الخط
امنيه: ok

فارس: ههههههههههههههههههههههههههه ....جهزي نفسك
انا تحتفارس جالس في السياره يسوقها وهو يتذكر الموقف
وميت من الضحكوامنيه مو ماعطته وجه ولما اوصلوا

بغت امنيه تنزل بس مسكها فارس من يدها
امنيه: خيررر
فارس: وصينية الحلى
امنيه: بجيبها لك
فارس:ههههههه لا ما حزرتي دقي عليها وخليها تطلعها
امنيه بإستغراب: منو الي يطلعها
فارس:الي هو..... الشغاله السواق امجد ولا هي يكون افضل
صدقينيما عندي مانع ههههههه
(انت فضيع والله)

سوت امنيه الي قال لها اخوها وطلعت الشغاله صينية الحلى ولما جات تروح
ناداها فارس : منو.... حبيبتي
امنيه: يا نعم .... ما خلصنا
فارس: سلمي لي على التفاح الإمريكي وقولي له تسلم
الايادي ههههههههههههه
دخلت امنيه وطنشته هو من زود انه فري بزياده فتح الحلى وهو يضحك
ويا كل بإصبعه (انت غريب بجد يا فارس )

في هذا الوقت في الرياض وصلوا بو عبدالله وامين الرياض بالسلامه
امين على قولة اخوانا المصريين كان لابس الي على الحبل
والعطر حشر المجلس من قوته( تقولون متسبح فيه)
وجلسوا وتقهوو وحور فوق غايصه وش تلبس مو عارفه ....ملابسها
كلها على الأرض هي عندها ملابس مثل الرز بس بغت شي ساتر
لبست تنورهبنيه جايه على جسمها وبلوزه تركواز اكمامها طويله
وداخل فيها اللؤلؤ ولبست عقد من الؤلؤ مع انه ما راح يشوفه بس
هي كذا تحب تكون جميله حتى لو ما احد يشوفها حطت لها روج وردي ناعم
وبودره لخدودها وكحلت عيونها زين وكانت ترتب شعرها (قمر والله ما يحتاج لك
هالقد)
دقت ام مشعل الباب: يالله يمه الناس ينتظرونك وأبوك قال لي
خليها تنزل..... ماشاء الله عليك قمر
ارتبكت حور مو عارفه شتسوي : صحيحخالتي بعجبه
ام مشعل: هههه الا بطيرين عقله
حور:ههههمن ذوقك يا خالتي
راحت حور قدام المرايه وحطت الشيله على راسها وبانت شوي من غرتها وشعرها كان نازل تحت الشيله طالعت نفسها ابتسمت ابتسامة رضى وراحت جنب خالتها الي
هي بدورها مسكتها من يدها وصارت تقرى عليها حور بعد صارت تتمتم ببعض
آيات الله الكريمه...... نزلو تحت وقفوا قدام باب المجلس سلمت ام مشعل على الجماعة وأشرت لابو مشعل ان حور بره
بو مشعل: حياك حور يا بنيتي ما كو غريب هذا عمك وولد عمك
حور طالعت ام مشعل وهي خايفه يعني لا تروحين عني بس هي طمنتها
ام مشعل: سمي بسم الله وادخلي
حور دخلت المجلس وكانت بجد مستحيه ومنزله راسها
حور بهمس: السلام عليكم

نزلوا تحت وقفوا قدام باب المجلس سلمت ام مشعل على الجماعة وأشرت لابو مشعل ان حور بره
بو مشعل: حياك حور يا بنيتي ما كو غريب هذا عمك وولد عمك
حور طالعت ام مشعل وهي خايفه يعني لا تروحين عني بس هي طمنتها
ام مشعل: سمي بسم الله وادخلي
حور دخلت المجلس وكانت بجد مستحيه ومنزله راسها
حور بهمس: السلام عليكم

امين فز واقف يوم سمع صوتها وصار يطالعها مبهور ويستناها ترفع راسها
بو عبدالله: هلا هلا ببنيتي حور
راحت حور عند عمها وباسته وسلمت عليه......
بدون ما يحس امين راح جهتها كانت ماعطته ظهرها وهو يشوف عليها الشيله بس شعرها كان نازل منها
( ما اقدر اوصف لكم شقد خيال)

بو مشعل: حور سلمي على ولد عمك
التفتت حور جهته وطالعته وطاحت عينها بعينه هو واقف متسمر لا كلمه ولا نص
حور بغت تجيها ضحكه بس حاولت تمسك نفسها
امين انتبه لنفسه وابتسم : هلا والله ..... كيفك حور
حور بهمس: تمام ... انت شلونك
امين بإندفاع : توني بخير.... بس الحين ما اضن
حور تفاجأت من رده ورفعت عينها بعينه وهو يطالعها موقادر يتكلم
امين بصعوبه: حــــــور
حور طالعته من غير ما تتكلم:........
امين بعذوبه: عمري ما شفت بحلاك
حور انحرجت واستأذنت عمها وابوها وراحت بتطلع من المجلس
امين بدون ما يشعر بغى يروح وراها بس ابوه مسكه من يده
بو عبدالله: اركد وانا ابوك خلك ثقيل
انحرج امين وقال في نفسه وش سوت فيني ذي .... اكيد سحرتني
بو عبدالله: وامتى تناسبك الملكه يا خوي
بو مشعل: الي تامرون فيه
امين نط في وجه ابوه وعمه بدون ما احد يطلب رايه: الإسبوع الجاي يبه
بو عبدالله معصب: اهـــجد
بو مشعل: هههههه لا اسبوع قليل يادوب اسبوعين
بو عبدالله: شورك وهداية الله

قاموا بعدها وحركوا وراهم مشوار.... اول ما حركوا كان امين حاط على المسجل على اغنيه ومطول صوته قد ما يقدر
بو عبدالله متضايق : ما تجوز حط لنا قرآن ولا دعاء احنا نمشي طريق
لو الله خذ امانته واحنا بها الحاله ما تقولي وش مصيرنا
امين كان مبسوط وما يبغي احد يعكر عليه حتى لو هو ابوه
امين:تامر يبه..... وهذا القرآن
بو عبدالله: ايي كذا خلك آدمي

في غرفة حور كانت جالسه على الأريكه وحاضنه الخداديه بيدها جالسه بملابسها حتى شيلتها ما شالتها من عليها وصارت تتذكر شكل امين ونظراته وابتسامته
( امين كان عريض شوي وطويل وجميل مره كان ابيض وخدوده مورده
وشقد كان يلوق له الثوب والشماغ له هيبه كان بجد يسرق الأنظار)
حور في نفسها كنت اعتقد انه كان معجب فيني بس نظراته
حسيتها اكثر من نظرات اعجاب؟؟؟
غفت حور على الأريكه وراحت مع
احلامها الورديه(بدايه شاعريه يا حور)

وصلو بو عبدالله وامين الشرقيه بالسلامة امين طيران لفوق يبغي يختلي مع نفسه شوي لان سوالف الوالد الله يحفظه كانت كثيره وما تنمل(ههههههه)

امين في غرفته جالس على حافة السرير ويطالع نفسه في المرايه
ما ادري عجبتها ولا لا بس وش هالجمال هذا ومخبيه نص جمالها بهالشيله
والله كان ودي شلت الشيله من عليها بس خفت عمي يصفقني
كف تحت اسناني ههههههه........ بس بصراحه تستاهل.....آآآآآآآخ
وينك يا نزار تشوف الي شفته كان يمكن انهبلت هههههههه

في يوم جديد ببيت بو محمود
شروق الحمد لله صارت احسن حالتها تحسنت كثير ومحمود ما رضى يروح
الشركة اليوم حتى يجلس معها
محمود: صبحك الله بالخير يبه
بو محمود: صباحك ورد
محمود: ههههه شكل الوالد مبسوط
بو محمود : ومنو يشوفك وما ينبسط
رهف نازله بالبجامه وكان شعرها مرفوع ومزاجها مش ولا بد
رهف: صباح الخير
بو محمود: صباح النور يبه وش بلاك
رهف وهي تكح : تعبانه شوي
محمود: خير وش تحسين فيه
رهف: شوية برد
محمود: قومي اوديك الدكتور احسن
رهف: لا ما لي خلق اطلع احس اني دايخه
بو محمود ما كذب خبر واخذ التلفون ودق الرقم

بو محمود: السلام عليكم دكتور
مهند: هلا عمي وعليكم السلام
بو محمود: لو تقدر تجينا وانا عمك
رهف فاتحه عيونها وفمها وتأشر لأبوها يعني لا
مهند بإرتباك: خير عمي فيك شي
بو محمود: لا والله هذي رهف تعبانه
مهند: رهف ؟؟؟؟ خير وش تشتكي منه
رهف راحت صوب ابوها ومسكت الجوال بهدوء وكلمت مهند
رهف بصوت مبحوح: هلا دكتور
مهند مو على بعضه: هلا فيك....سلامات وش تشكين
رهف:الله يسلمك شويه برد .. مو مشكله
مهند: نص ساعة وانا عندكم
رهف: لا .... لا تعب نفسك
مهند: ايييييي بس عمي.....
قاطعته رهف: لا تنسى يا دكتور اني افهم في هذي الأشياء البسيطة
ولو احتجت شي بسأل عنه الدكتور الي مسؤل عني
مهند عصب منها كثير: براحتك..... وسكر الخط من غير ما يسمع الرد
رهف وصل الدم لراسها وودها يكون يمها على شان تكب عليه ماي بارد
يصحيه من غروره ما ادري وش شايف نفسه عليه
بو محمود: ليش يبه ما خليتيه يجي يشوفك
رهف: يبه انا صرت احسن
وراحت وتركت ابوها يتسائل وش في الناس كلها تغيرت(وش ياكلون العالم)

مهند في عيادته ومعصب كثير طلب من الممرضه الي وياه انها
ما تستقبل مرضى لانه مصدع في هذا الوقت دق د.سلطان
وطلب من نور انه يكلم مهند بس مهند رفض يكلمه ....
خمس دقايق بس وما سمع الا الباب يدق قامت نور تشوف يمكن مراجع
فتحت الباب لقته سلطان
د.سلطان: وش فيك ما ترد
د.مهند: ما فيني شي
د.سلطان: شكلك تعبان
د.مهند: راسي مصدع اتركني بروحي
د.سلطان: سلامتك.... الا اقول
د.مهند عارف شعنده بس صار يستهبل: خيـــــــــر
د.سلطان : د.رهف
د.مهند: وش فيها
د.سلطان: ما داومت اليوم لا يكون تعبانه
د.مهند وهو يطالعه: ما عندي علم
د.سلطان: اممم .... مهند دق شوف وش فيها ليش ما جت
د.مهند : نعم ... وليش ما تدق انت
د.سلطان: بس انت ولد عمها واتوقع انه مو........
د.مهند قاطعه: زين انك للحين ذاكر اني ولد عمها
سلطان تفاجأ من ردة فعل مهند واخذ بعضه وطلع من عنده
مهند تضايق اكثر.... وصار يقول في نفسه لايكون سلطان زعل
***********

نزار كان عايش في دوامة الحب التي لا تنتهي يحس ان روحه راح تطلع
وخصوصا يوم سمع عن ملكة حور وبهذي السرعه مافي مجال
يخليها تغير رايها ومافي وقت يتصرف فيه
(يا ليتك تنسى يا نزار)

شروق كانت اكثر من مره تحاول تواجه محمود الي كان مزاجه يتقلب من
الرومنسيه للأنانيه وهي تحاول تصبر نفسها وتسوي نفسها انها موعارفه كان دايم جالس على الكمبيوتر وعيونه عليه حتى لو صارت تناديه يبغي لها اكثر من مره
تقول اسمه حتى ينتبه لها..... ويكون مزاجه مش ولا بد وكلامه تحصيل حاصل
رد على السؤال بالإيجاب او النفي شروق ما كانت مطنشه كانت تفكر بينها
وبين نفسها تبغي حل مدروس(قمة العقل تسلمي لي)

رهف كل يوم تزيد ثقافتها وتتعلم اكثر والفضل يرجع للدكتور سلطان الي
ما كان يبخل عليها بمعلومه وكان يخليها تكشف على المريض وتحاول تعرف المشكله وهذا ساعدها كثير
بالنسبة للدكتور مهند كل ماله ويزيد عند على عنده صارت علاقته مع
سلطان متوتره وما يشوفه الا بالنادر اما بالنسبه لرهف فكان يتصدد
لها ويحاول ما يشوفها على شان ما يحتك فيها وتصير المشاكل
(مهند فكر شوي بترتاح وتريح)

اسماء حالتها كل يوم تتدهور شالوا الجبس عنها بس يدها كانت
ضعيفه انبنت على اساس غلط شغل بيت وتعب وقلة اكل واهم من
هذا كله راحة البال الي ضاعت ومستحيل ترجع لها وهي مع بو جاسم
اسماء إلى الآن تاخذ حبوب منع الحمل مع العلم انه وداها الدكتور واكد
له انها ما عندها أي مشكله وممكن انها تحمل بس مسألة وقت مو
اكثر وهذا الشي فرح بو جاسم
(الله يستر ولا يعرف انك تاخذين
حبوب وقتها الله عالم وش راح يصير)

مازن كان غارق في احلامه رسالة منيره وضحت له كثير امور
صارت تمتلك كل احساسه ووجدانه وصار يفكر بشكل سليم
وش نهاية الحب هذا غير الزواج بس ما ابغي اتسرع أخلي الامور
تهدأ شوي بعد ملكة حور واكيد بتقدم
( ما راح تلاقي احسن من منيره
الله يوفقكم)

منيره كانت الوصيفه للملكه حور الي ما خلتها ولا لحظه معاها في
في كل صغيره وكبيره وشايله الجزء الأكبر من التجهيزات وكانت
حور ما تشك خيط بإبره الا لما تاخذ رايها وتسمع بنصيحتها
( والنعم والله بمنيره قدها وقدود)

العمه طايحه بين نارين نار ولدها ونار حبيبتها وبنتها حور
مستحيل ترضيهم (تعرفون السبب) كان قلبها على ولدها الي
كان مثل أي شي في البيت صوته ما يطلع منه وبالنسبه لخواته كانت
اوامرهم مطاعه عنده وكأنه جالس يشتري رضاهم ......ام نزار تفكر بينها
وبين نفسها انها تخطب له يمكن ينسى حور ويتعلق بغيرها لان الدنيا
ما راح توقف عليها (اتمنى والله)

بعد اسبوعين وتحديدا بكره ملكة حور......
منيره صار لها يومين تنام بيت خالها
وتجهز مع حور قرروا تصير الجلسة في *بيت الباديه* وهذا ركن كبير ورا
البيت مكيف تكيف محترم وكان كل شي فيه يدل على البداوه وبما ان المناسبه
ملكه حبت حور انها تخليها تقليديه كلموا محل متخصص في الكوش
وسوا لهم ركن خاص كله اشياء قديمه رتبوا الامور والبنات جالسين في
الصاله وبعد ما خلصوا نادى لهم مشعل كانوا البنات يتسابقون متلهفين وش
راح يصير شكلها....... دخلوا منيره وحور *بيت الباديه*

كان عباره عن سيب في وسط البيت يوصلنا لمرتفع فيه خيمه مبهرجه فيها
الاشياء القديمه وفرش في الأرض
وكان فيها موقد حطب ودلال قديمه وحاطين حجر حوالين الموقد وبالأرض
في خداديات متناثره بشكل عجيب
وبعدين ناثرين المشموم(الريحان) في زاوية الخيمه وهناك فيها سفره من
السدو مثبته بحجاره وفيها ما لذ وطاب
التمر بكل الطرق مصفوف في سله كبيره وعلى السفره شموع
من جميع الألوان والأشكال ووسط السفره كان فيها قرآن مفتوح
وحواليه شرائط اللؤلؤ وسله كانت فيها اكياس حنه ومجسم عباره
عن محاره كبيره فيها
محار صغير في وسطه حوريه وهذا هو التذكار وفيه بطاقه
مكتوب عليها
دلال الكون في حسنها ارتسم
وجمال القمر عند عيونها ابتسم
اهداء من والد العروس

حور بإندهاش: واااااااااااااااااو
منيره: ههههههههههههههههههههههههه
حور بإستغراب : وش فيك ..... انخبلت
منيره: هههههههههههه
حور: لاتقولين ما عجبك
منيره وهي تضحك:ههههه إلا إلا بس..... منو لايق يصير المعرس
حور تنرفزت: منو بعد مافي غيره ..... حبيبي
منيره:هههههههه لالالا ..... خوي متعب
حور توها تنتبه ان منيره تذكرت العرس البدوي الي هم سواه
وصارت تضحك معها وبعدين صاروا يعلقون على الخيمه ويضيفون
لمساتهم الساحره عليها

بعد ما خلصوا تركوا البيت وطلعوا فوق في غرفة حور كانوا نعسانيين بجد
دخلت حور تبدل وتلبس بجامه وكانت منيره ما تبطل حكي وتعطي
اقتراحات على الحفله وأوامرها على حور

حور: طيب والله فهمنا
منيره: وخلك تقولي انك تستحين ولا شي
حور: اووووف...... بحاول
منيره بعصبيه: لا اكيد .... وبعدين صورك ما راح تكون حلوه
وانتي مبوزه وشكلك زعلانه
حور: ان شاء الله
منيره: الله يعينا على المشغل من صباح الله خير
حور:لا ... ما قلت لك إن خالتي ام مشعل دقت على الكوافيره
وقالت لها تجينا
منيره: الله فضيع صراحه .... بس لو انك سامعه كلامي ومتحنيه
حور: يااااربي .... تصبحين على خير
منيره: وانا عند ربي صادقه العروس مو حلوه الا بحناها
حور:.....................
منيره : حور .... حور
منيره فكرت ان حور نامت لكن في الواقع حور كان بالها مشغول
وتفكر في بكره وشلون بتطلع(اكيد قمر)

منيره: الله يعينا على المشغل من صباح الله خير
حور:لا ... ما قلت لك إن خالتي ام مشعل دقت على الكوافيره
وقالت لها تجينا
منيره: الله فضيع صراحه .... بس لو انك سامعه كلامي ومتحنيه
حور: يااااربي .... تصبحين على خير
منيره: وانا عند ربي صادقه العروس مو حلوه الا بحناها
حور:.....................
منيره : حور .... حور
منيره فكرت ان حور نامت لكن في الواقع حور كان بالها مشغول
وتفكر في بكره وشلون بتطلع(اكيد قمر)

اليوم الثاني ولما طلع الصبح جلست منيره من النوم شافت حور جالسه
على السرير وسرحانه
منيره: صباحك حب
حورتبتسم لها : صباحك عسل....... صح النوم
منيره : يصحي بدنك..... مانمتي؟؟؟
حور: لا والله من جلست للصلاه ما رجعت انام
منيره وهي تتثاوب: لالالا غلط لازم ترتاحين على شان ماتتعبين
حور: حاولت بس عيت عيوني
منيره: والله يا حور بيأثر على جمالك
حور خافت : قولي والله
منيره: صدقيني بتصيرين ذبلانه .... اقولك قومي تروشي وصدقيني بتدوخين
حور وهي مسرعه:خلاص صار

قامت منيره ونزلت تحت وجهزت فطور على شان حور وسوت
لها عصير برتقال طازج
بالفعل بعد ما فطرت حور رجعت تنام وهي حاطه الإستريو على
سورة البقره وراحت في سابع نومه
منيره من وقتها وهي ترتب النواقص ما تبغي شي ينقصهم
ولما صارت الساعه اربع جات الكوفيره وخذتها منيره وصعدتها
في غرفة حور وصارت تصحيها

منيره: حورعمري يالله قومي
حور: ابغى انام
منيره : قومي الكوافيره هنا عندك
حور قامت مفزوعه وصارت ترتب شعرها وتبتسم للكوافيره
هدى: صح النوم يا عروسه
حور: هلا والله

راحت حور وغسلت وجها وجهزت حالها وجلست عند الكوافيره الي صارت
منيره تتفنن في الأفكار
حور: لا يا منيره بيخاف مني
منيره: انقلعي.... هدى حطي لها فرعوني
حور: منيروه ..... ما عليك منها هدى ابغي لبناني هادئ
ترى هذي ملكه تكفين منيره في الزواج بسمع منك
منيره زعلانه : براحتك
صارت الكوافيره تضبط تسريحه لحور وطلبت منها حور انها
تحط سلاسل اللؤلؤ بين التسريحه لانها تحبه كثير
ولما خلصت من المكياج والتسريحه جهزت فستانها وساعدتها
منيره في لبسه

بعد صلاة المغرب تجمعوا الكل........
في المجلس كانوا الرجال ضحك وسوالف والشباب جالسين
مجموعه كبيره وكل واحد يتمنى انه يجي دوره ويكون هو العريس
ما كان احد غريب بين الجماعه الا محمد صديق امين
وتقريبا الكل كان موجود ما في احد ناقص الا نزار؟؟؟؟
الي ماحظر لانه راح بمهمه في جده .... امين ارتاح كثير لانه كان
خايف ان نزار يخرب عليهم
وقال في نفسه الحمد لله ان المهمه صارت في هذا التوقيت.........
بما ان بومشعل ما عنده اولاد كبار يشيلون ويحطون صار الكل يقوم
ويشيل ولا كأنه الا هو اخو العروس

الحريم في الصاله وكاشخين كثير كانوا لابسين جلابيات فخمه وكل وحده لبست
صندوق الذهب حقها وجالسين يصفقون ويغنون ما عدا ام نزار العمه الي كانت
تتصنع الفرح ؟؟؟؟بس وش تسوي غصب عنها مو بكيفها
(ولدها مكسور قلبه وهي تفرح....... ما تقدر)
تجمعوا البنات حوالينهم كانوا كلهم احلى من بعض

رهف كانت لابسه فستان اسود مخملي وكان مطلع جسمها
بشكل عجيب ورافعه شعرها بطريقه عشوائيه وصايره خيال

لما وامنيه واماني وشموخ وانوار اتفقوا انهم يلبسون جلابيات ناعمه
ويحطون هامات على روسهم كانوا يجننون وهم مطقمين

اسماء كانت لابسه تنوره سودا وبلوزه حمره كت وكانت حاطه روج احمر
وشعرها مخليته على طبيعته نعومه مره

شروق كان آخر همها اللبس خاصه بعد الي صار فلبست جلابيه فخمه
ولبست فوقها ذهب

الهنوف ومنيره طقموا بعد ولبسوا بنجابيات الوانهم كانت روعه اخضر وفوشي
وكانوا مميزين كثير ومجدلين شعرهم وحاطينه على جنب

البنات مبسوطين ويرقصون منيره كانت فوق ومو مخليه احد يدخل
يشوف حور الا لما توقع على دفتر الملكه

جا الشيخ وعقد عليهم و امين الي كان متوتر خايف كثير.... طلب الشيخ
من بو مشعل انه يودي الدفتر للعروس وبالفعل صعد بومشعل
عند غرفة حور والزغاريد موصله لاخر الدنيا دق الباب عيت منيره تفتح
بس لما سمعت صوت خالها فتحت بسرعه دخل بو مشعل الي انبهر
من جمال حور
بو مشعل راح جهة حور : صرتي نسخه من المرحومه ياحور
حور بغت تبكي بس هو هدأها وطلب منها توقع على الدفتر
الي شخطت فيه ما ادري دفتر ملكه ولا كشكول

بو مشعل اخذ حور في حضنه وصار يبكي وهي بعد بكت معه
تركها ونزل عند الحريم الي صاروا يباركون له والبنات يروحون ويبوسون
راسه وهو ضحكته موصله لاخر الدنيا

راح عند الرجال وودا الدفتر عند الشيخ الي تمنى لهم حياه سعيده
عبدالله يحضن اخوه وعيونه مليانه دموع: مبروك .... تتهنى يا خوي
امين فرحان ويوزع ابتسامات..... قاموا الشباب يرقصون
ويهيصون وحاطين امين وسطهم

ام مشعل في هذا الوقت طلبت من المصوره تصعد فوق عند حور واخذت المعازيم الى *بيت الباديه*
اول ما دخلو انبهروا من حركاته الحلوه ورومنسيته وشغلوا الإستريو وهاتك
يا رقص

خلصت المصوره تصوير نزلت حور مع منيره وراحوا جهة *بيت الباديه*
منيره تركت حور بره وصاحت لهم يطفون الإضاءه ويحطون
اغنية مذهله الكل كان متلفت يبغي يشوف حور

دخلت حور كانت مذهله بما للكلمة من معنى الكل صار يطالع بصمت
كان فستانها احمر وذهبي وكان عاري عند الصدر وفيه
نفشه بسيطه كان بجد خيال وما ادري منو الي محلي الثاني
الفستان او حور صدرها كان مليان من عقود اللؤلؤ
وشعرها كانت تسريحته غجريه واللؤلؤ منثور فيه بشكل نااااااعم
كانت تمشي بثقه وتوزع ابتسامتها على الكل وصلت للمنصه انفتحت
الإضائه صاروا البنات يصفرون من الجمال
صعدوا البنات على المنصه وراحوا عند حور الي يرقص والي يبارك وبجد
الكل مبسوط

بعد نصف ساعه دق امين على امه حتى يدخل قالت ام عبدالله للبنات......
الي اخذوا حور من باب ثاني دخل امين على اغنية انا الشاكي
دخل وهو يتلفت ويقول في نفسه وين العروس!!!!
وقف على المنصة وامنيه واماني يرقصون بجنبه وامه كانت ترمي
الفلوس بكل مكان والفرحه مو سايعتها وام نزار كانت واقفه يمهم

دخلت حور على موسيقى كلاسيك بصوت امواج البحر
الي صار امين قلبه اعنف من امواج البحر يوم شافها.... كانت تمشي
بغرور وتتلافت يمين وشمال وكانت عيونه تلاحقها وين ما تروح
بس هي ما عبرته بنظره وقفت عند السيب ونزلت راسها قالوا له خواته يروح لها

مشى امين مسير غير مخير رجوله هي الي تمشيه من دون ما يحس وقف قدامها
وسلم عليها رفعت حور راسها له بدون ما يشعر باس يدها وبعدين باسها بين عيونها البنات صرخوا من الرومنسيه مسكها وصاروا يمشون وهو كان ملتفت
لها وهي عيونها في الأرض
لما وصلوا المنصه صارت المصوره تصورهم وتنادي له وهو مو معها كان يطالع حور بإنبهار
طلبت منهم المصوره انهم يوقفون شوي وطلبت من حور انها تعطي امين ظهرها
وهو يمسكها من وراها

امين يهمس في اذن حور:آآآه حور
حور خافت لايكون فيه شي: امين وش بك
امين بعذوبه: قلبي يا حور ما ادري وينه انسرق مني
حور قامت تضحك على حركاته

خلصوا تصوير بس امين كان عاجبه الوضع بسبب قربه الملاصق
لحور وصار ينادي المصوره تعالي الصور شوي خذي بعد (هههههه)
انحرجت حور والبنات صاروا يضحكون
قربت ام عبدالله وسلمت على العرسان واعطت امين
الطقم حتى يلبسها

فتح امين العلبه وكان طقم الماس ياخذ العقل صار يلبسها
ومو عارف يتصرف ويطالع في خواته الي بجد تضايقوا
لانهم علموه بالبيت وطبقوا على اماني.......
بعد عناء لبسها الحلق والإسوره والخاتم جا بيلبسها العقد لف يدينه حولها ....
صار يسوي نفسه مو عارف يقفل العقد حتى يظل وقت أطول قريب منها

حور حست بقلبها راح يوقف من الخوف
امين قريب منها مره حتى انه يسمع انفاسها
امين بحب : ريحتك ترد الروح
حور بتموت الموقف صعب ولاااا مع واحد مثل امين جريئ حد الجنون
لبسها امين العقد وراح جهة خدها وباسها
حور بإحراج: ناد لي امنيه
جات امنيه الي كلمتها حور وقالت لها تخلي اخوها يستحي مو قدام الناس
وصلت امنيه الكلام لأخوها الي صار يضحك
امين يطالع في حور ويغمز لها ويبتسم :امرك يا قمر

بعدين ام مشعل صاحت على الجماعه للعشا راحوا وتركوهم
منيره طلبت من العرسان انهم يجلسون على السفره ويأكلون بعض
من التمر وطلبت من حور تصب القهوه لامين
بعد ما خلصت استأذنتهم : دير بالك على حور
امين بعذوبه: في قلبي
طلعت منيره من عندهم وهي تمسح دمعتها ماتدري دمع
فرح او دمع حزن

امين: مبروك يا حبي
حور الي كانت منزله راسها: الله يبارك فيك
امين رفع راسها بيده وخلاها تطالعه: وكأني في الجنه

حور ابتسمت وهي تبعد نظراتها عنه..... امين قرب منها وباسها
حور انحرجت وصار وجها احمر
امين: عذريني ... غصب عني
حور:...........
امين : انتي الي قلتي لي
حور فتحت عيونها: وشوووو
امين: ايييي.... مو قلتي لأمنيه تقول لي مو قدام الناس ......
هذا احنا صرنا بروحنا وما معنا ثالث
حور تطالعه بإستغراب:..............
امين: ههههههههه ..... ياحبي لك
حور انقلب وجها:............
امين: مرتاحه بوجودك معي
حور تطالعه وهي مبتسمه: اكيد
امين : كل شي فيك فوق الوصف .... بس صوتك غير
حور بإستغراب: صوتي
امين: ودي على طول اسمعك صوتك يوصل لقلبي قبل اذني
حور تضحك: ههههه
امين: حرام عليك .... عندي اهل يحبوني
حور: وش قلت انا؟؟؟
امين : بتموتيني ... مو قادر اسيطر على قلبي
حور:شكلك محظر كثير
امين:والله فوق راسي الكلام يطلع لوحده
امين يطالع حور وفي داخله فرحه لو وزعها على الناس ما يلحق
(والله وطحت واقف يا امين)

هناك عند البحر والامواج تتظارب بعضها مع بعض روحه مو عنده
روحه هايمه مالها مرسى دموعه مافي شي ممكن يوقفها
تجري مثل جريان الدم بالجسم طالع ساعته لقاها على ال12
ابتسم ابتسامة خبث ودق الرقم

مر الوقت بسرعه وامين جالس يتغزل بحور الي ابتدت تتعود عليه
وماسك يدها ومو حاس بنفسه كان شاد عليها كثير
هي طبعا استحت تقوله
امين: الأجواء خيال .... خليني اجلس هنا للصبح
حور تطالعه بزعل:..........
امين ارتبك من نظراتها: لالالالا.... لا تفهميني غلط...
حور بإحراج نزلت راسها:............
رفع امين راسها : ما ابغيك تسكتين.... ابغي اسمعك
حور: هههه.... وش اقول
امين: يا ويل قلبي انا...... انتي ذابحته اليوم
حور و امين: ههههههههه
وهم كذا والأجواء عال العال دق جوال حور(منو تتوقعون!!!!)

حور بإستغراب تطالع الرقم امين حس فيها
امين: وش فيك يا قلبي
حور: ما ادري رقم غريب
امين: خليني ارد اشوف منو
حور: لا يمكن غلطان
في هذا الوقت سكت الجوال وبعد دقيقه رن مره ثانيه امين
يطالع حور يعني يستأذنها حور هزت له راسها يعني اييي
رفع أمين الجوال من غير ما يرد بس وش هالهبل الي يسمعه

امين:..........
نزار: اشتقت لك .......مناي
امين من سمع الصوت قام وقف والضغط وصل راسه حور شافته كذا
وقفت مع امين صار يطالعها بإحتقار
حور:؟؟؟؟؟؟؟؟؟؟؟؟؟

امين:..........
نزار: اشتقت لك .......مناي
امين من سمع الصوت قام وقف والضغط وصل راسه حور شافته كذا
وقفت مع امين صار يطالعها بإحتقار
حور:؟؟؟؟؟؟؟؟؟؟؟؟؟

بعد ما طلعوا البنات راحوا الصاله الي كانت الأجواء فيها حلوه كثير
والبوفيه ممدود من اولها لآخرها
الحريم راحوا واجلسوا وصاروا البنات يضيفون عليهم
الكل كان يحس انه ببيته وبالخصوص منيره ورهف تقريبا هم
الي مهتمين بالترتيبات

في هذا الوقت دق جوال رهف الي كان قريب من منيره
منيره: رهوف جوالك
رهف من بعيد: من
طالعت منيره الجوال:ما ادري.... الحساس
رهف: اها.... ردي عليه
منيره: منو هذا
رهف: مازن
منيره مرتبكه: لالا مالي دخل ردي انت
رهف: هههه... امزح معك
منيره:........
راحت رهف على جنب وردت: هلا
مازن: هلا والله..... تعالي ابغيك بره شوي
رهف: جنيت.... ماني طالعه تعال المطبخ
مازن: طيب... طيب
راحت رهف المطبخ وكانت تاكل في الحلى جاها مازن ولما شافها

مازن: الله... الله وش هالزين
رهف وهي تدور على نفسها: عجبك
مازن: تحفه.... الا اقول
رهف: هلا
مازن برقه: طالبك طلب
رهف وهي تأشر على عيونها: من عيوني
مازن ارتبك: وش لون منيره
رهف: ههههه... بخير
مازن: والله
رهف : اييي واليوم طالعه زي القمر
مازن بإندفاع : تكفين ابغي اشوفها
رهف: جنيت انت؟؟؟
مازن: والله مغزاي خير انا ابغي اخطبها تكفين اختي
رهف: امممممممم ما ادري
مازن: والله اني بكلم ابوي نروح نخطبها
رهف: اممم طيب
اتفقت رهف انها ترسل منيره المطبخ واذا راحت بتدق له رنه
حتى يروح هو المطبخ ويشوفها وكأنها صدفه(حركات)
مازن بغى يطير من الفرح وراح لم اخته وباسها وراح ركض
رهف صارت تضحك عليه راحت بتطلع سمعت رجف
من الباب الخارجي للمطبخ فكرته واحد من البزران مو عارف
يفتح الباب لان الباب كان حديد مشغول راحت صوب الباب
وفتحته بكل قوتها حتى انه طير خصلات الشعر الي على وجها
بس منو شافت رهف؟؟؟؟

كان الدكتور مهند بجلالة قدره شايل صينية الشاي والقهوه
الي لما شافها عرفها بسرعه مع انها كانت بكامل زينتها واناقتها بس
صورتها محفوره في ذهنه وصار يطالعها بذهول
هي شافته قدامها شهقت شهقه طويله وبسرعه رجعت لورا
وما كانت منتبهه للثلاجه الي تلقتها بأحضانها
ضربت رهف في الثلاجه وطارت خطوتين جهة مهند وطاحت على
الأرض
مهند ترك الصينيه من يده الي طاحت بدورها على الأرض ولحق
بنت عمه الي كانت على الأرض وتتأوه من الألم
نزل عندها ورفع بيده شعرها عن وجها وقال بخوف

مهند: عسى ما تأذيتي
رهف صارت ترجع وراها وهي خايفه
انتبه مهند لنفسه وقام وقف وعطاها ظهره: لا يكون تعورتي
رهف ولا كلمه قامت بتعب وراحت بره المطبخ
حس مهند انها مو يمه لان ريحة عطرها عادت ادراجها معها
صار مهند يطالع مكانها بذهول صار يلم الأكواب الي تكسرت كلها
وجرحته في يده وطبعا هو ما حس لأنه في عالم ثاني .... عالم العشق والهيام

رهف دخلت داخل وجلست على الكنبه ووجها اصفر راحت لها
اسماء بسرعه
اسماء: عمري وش فيك
رهف بعصبيه:هالحيوان
اسماء : حيوان..... منو هذا
رهف صارت تحكي لأسماء ودموعها تنزل منها ما ادري
من الألم ولا من الإحراج
اسماء: حرام عليك الرجال مو قصده
رهف: الا قصده
اسماء : يعني هو يعلم الغيب .... الصدفه اجمعتكم
رهف صارت تبكي وتقول في نفسها..... الله مو راضي عني بغيت ادبس
منيره على اساس الصدفه جات فيني(انقلب السحر على الساحر)
دق جوال رهف الي شافته مازن وما ردت عليه
تضايق مازن من تصرفها الحين هي توعدني وتخلف اوريك يا رهف

دخل مهند عند الشباب وهو مو حاس بنفسه طالعه عبدالله
عبدالله بإرتباك: وش فيك مهند .... خير
مهند: سلامتك ....
عبدالله راح جنبه: ملابسك كلها دم
اتفاجأ مهند وطالع ملابسه لقاها صحيح مثل ما قال عبدالله
وبعدين شاف يده تنزف مسكها بكل قوته
مازن: عساه بس مو غزير
مهند: إلا
عبدالله: من وين
مهند: ابد تكسرت الأكواب مني وصرت اشيلها
مازن: خبل انت تشيل الأكواب المكسوره .. ووين
الشغالات
مهند وهو يطالع في يده: مادري ماكان احد في المطبخ
سكت مهند وقال في نفسه ما عدا حوريه من الجنه
مازن قام جهة المطبخ بيجيب شنطة الأسعاف
دخل المطبخ وشاف الشغاله هناك

مازن وهو معصب: وين كنت الله يهدك.... ما ادري وين تروحون
:................
مازن: لايكون تبربرين مع السواق.... ووش لابسه انتي !!!
:..............
مازن: ظلي منكتمه احسن .... هييييي وين شنطة الأسعافات
:...........
توتر مازن وراح لعندها بس منو لاقى؟؟؟؟

كانت منيره الي كانت لابسه البنجابي الي خلى مازن يعتقدها
وحده من الشغالات منيره كانت بتموت جالسه ترجف ودموعها
متجمده عيت تنزل (وش هالموقف)
مازن لما لف لها لقاها منيره الي سلبته عقله ووجدانه ظل ساكت
مو عارف وش يقول وعيونه عليها ....منيره كانت عيونها على الأرض
لفت بتروح مسكها من يدها

منيره بخوف:مازن
انتبه مازن لنفسه وترك يدها
تركته منيره بتطلع بس ناداها مازن:غلاي
وقفت منيره وطالعته بحب:............
مازن بعذوبه:يا نور قلبي مشتاق لك
منيره نزلت راسها:.........
مازن :احبك يا عيوني..... وانتظرينا خطاطيب عند بيتكم
منيره بغت تطير من الفرح تركته تبغي تروح ما تبغي تقعد اكثر
تخاف لا يكون احد يشوفهم في هذا الوضع ...مو حلوه

مازن: دقيقه غلاي
منيره التفتت لمازن:.............
مازن: المره الجايه وش بتتنكرين فيه .... حتى اعرفك؟؟

منيره ابتسمت ابتسامه في وجه مازن طيرت عقله الي ما
تحمل يوقف وجلس على طاولة الطعام عاشق ولهان

(إلا وش اخبار العرسان خلونا نروح نشوفهم)

نزار: اشتقت لك .......مناي
امين من سمع الصوت قام وقف والضغط وصل راسه حور شافته كذا
وقفت مع امين صار يطالعها بإحتقار
حور:؟؟؟؟؟؟؟؟؟؟؟؟؟

نزار بحب: اوعدك بتظلين في قلبي لآخر يوم في عمري
امين ضاقت الوسيعه في عينه وصار يصرخ: ايا ابن ال.......
قسما عظما لو تدق على هذا الرقم مره ثانيه ما تلوم الا
نفسك سامعني
حور ميته من الخوف اول مره تشوف امين بهذي الصوره

نزار بعصبيه: احنا لبعض ونحب بعض ما راح تفرق بينا
امين وضغطه موصل مليون ويطالع حور: اذبحك معها
صدقني تراني مجنون واسويها
سكر الجوال ورماه على الأرض وهو ساكت وجلس على الأرض وحط يده
فوق راسه
حور مرتبكه ما تدري وش صار منو هذا الي دق وقلب الدنيا فوق
راس امين

حور : امين خير وش صار.... منو هذا
امين يطالعها بإشمئزاز ويلف وجهه عنها:...........
حور: حبيبي وش فيك
امين دارت الدنيا فيه طالعها وبعدين نزل راسه
امين بضيقه : دامك تحبينه ليش وافقتي علي
حورمندهشه: وشوووو... احب.... احب من
امين وده يموت وهو يقول اسمه: نزار بعد من
حور: نزااااااار ... وش دخل نزار
امين متنرفز: نزار هو الي داق على رقمك
حور:..............
امين مو قادر يطلعها بس غصب عنه يبغي يتأكد
امين: ويقول حبكم ما راح تنسونه لاخر العمر
حور مرتبكه: حبنا!!!!
امين يطالعها وهو متحسر: ليش تذليني يا حور ... ليش

حور صارت تبكي من قلب امين الي طار قلبه ما حاول انه يهديها
خلاها تبكي وهو ساكت يبغي يعرف آخرتها
بعد ما هدت حور صارت تطالع في امين الي صار
قلبه يتقطع وهو يشوف عيونها حمره من البكي
امين: حور انتي...
قاطعته حور: اسمع امين
امين:..........
حور: تأكد ان ما بيني وبين نزار شي
امين:.........
حور: إن كان يحبني فهذا الحب من طرف واحد
امين:.........
حور: وان كنت انا رفضته ووافقت عليك فتأكد انك انت بتكون
الأول والأخير بحياتي
امين:............
حور بزعل : أمين..... حبك توه مزروع في قلبي فرجاء خاص
لاتموته قبل لا ينمو

امين لم حور في حضنه وصارت هي بدورها تبكي وهو
يهدأها ويعتذر منها
بعد ما هدت رجعوا لضحكهم وسوالفهم وكأنهم نسوا الي صار
قام امين بيمشي

امين:والله ما ودي اروح
حور:هههههه وانا بعد
امين: خلاص بجلس
حور: لالا خليني ارتاح اليوم واشوفك بكره
امين: ارتاحي منو ماسكك
حور: عيوني بتسكر من النومه
امين: عادي نامي مو انا زوجك
حور الي ارتفع ضغطها مسكت امين من يده ووصلته إلى
الباب
امين: سلام حبي
حور: مع السلامه
امين: بكره ابغيك طبيعيه لاتحطي مكياج وابغى شعرك مفتوح
حور:هههه امرك
امين قرب منها يبوسها بعدت هي عنه
امين بزعل: يعني ما تحبيني
حور: هههههه إلا
امين: وليه تبعدين عني
حور: ههه بكره
امين وهو يبتسم ويغمز لها: وعد
حور وهي تسكر الباب: ههههههه باي

امين: بكره ابغيك طبيعيه لاتحطي مكياج وابغى شعرك مفتوح
حور:هههه امرك
امين قرب منها يبوسها بعدت هي عنه
امين بزعل: يعني ما تحبيني
حور: هههههه إلا
امين: وليه تبعدين عني
حور: ههه بكره
امين وهو يبتسم ويغمز لها: وعد
حوروهي تسكر الباب: ههههههه باي

طلع امين من عند حور وهو كان وده يجلس للصبح
صار يدورالشباب لقاهم متجمعين في الحديقة الي ورا البيت سلم عليهم
ردوا عليه السلام وزودوا عليه وابتدت التعليقات

فارس: يا بختك يا خوي ..... من قدك
عبدالله: بل عليك الله يوفقه لا تحط عينك عليه
امين وهو يجلس: هههههه ... ما عليك منه مو لو يحط عينه لو يحط
عيون الناس كلها ما يفيدونه بشي
مهند: بصراحة انا غرت وصار ودي بعروس
محمود: ههههه وانا بعد
مهند بزعل: كان تبغيني اذبحك
محمود: افا بس ... تذبح ولد عمك
عبدالله: ويشرب من دمك وتراني بساعده
محمود: ما هقيتها منك..... اوريك
عبدالله: هههههههه

في هذا الوقت دق جوال محمود عطاه مشغول بس دق الجوال
مره ثانيه استأذن الجماعه وراح يكلم
محمود: هلا وغلا
.....: اشتقت لك عمري
محمود: انا اكثر... ما نمتي؟
.....: معقولة انام قبل ما اسمع صوتك
محمود:تسلمي لي حبيبتي
.......: متى بترجع من رحلتك ؟
محمود: بعد بكره إن شاء الله
.....: كثير... مااقدر على بعدك
محمود: آآآآآه تفكريني انا مرتاح وانا ما اقدر اكلمك في أي وقت
صدقيني انا معهم جسد من غير روح لإن قلبي وعقلي معك ياعمري
ومحمود هايم ومو منتبه للي حواليه

......: هلا عمري
محمود ارتبك لما سمع صوت شروق وقفل الخط
محمود بإرتباك: هلا هلا
شروق: وينك حبيبي من وقت ادق عليك الاقيه مشغول
محمود: ابد والله هذا واحد من الربع يبغي خدمه
شروق: خير
محمود: لالا شي خاص خليك منه بلا وجع راس
راح محمود ومسك يد شروق وباسها واخذها يتمشون شوي
محمود ارتاح كثير لأن شروق شكلها ما سمعت شي من كلامه....
شروق الي كانت سمعت نص الكلام الي بينهم بس ما حبت تتكلم وقالت
في نفسها مو وقته يا شروق

فوق في غرفة حور كانت جالسه تتكلم مع منيره الي كانت دايخه من
كلامها وتعلق على امين انه شقد حبوب وطيب ....
حور ما حبت انها تقول لها على موضوع نزار لأنه راح يضايقها
وغير كذا الموضوع انحل بسلام والي خلا امين يكبر بعينها لأنه متسامح
وما يحب يكبر الأمور واهم من هذا كله انه يثق فيها ويصدق كلامها
دق مسج لجوال حور

ــــــــــ
*تدرين وش كثرهايم*
تراني عاشق الليلة
صرت اعشق انا همسك
احب اشغل ايامك
انادي لحظة احضانك
ويدي من نعومة خدك
تراها صارت تحبك
*غروب*
(حبيبي)

منيره وهي ترمي نفسها على السرير: ما اقدر انا
حور: هههههههه
منيره وهي تغمز لها: وش قصده بنعومة خدك هااااا
حور: استحي....يا مال البلى
منيره: ما دريتي بكره بنروح البر
حور متفاجئة: قولي والله
منيره: ما راح احلف.... انا ما اكذب
رمتها حور بالخداديه: منيروه .... قولي الصدق
منيره: وانا عمري ما كذبت
حور: وراح نبيت
منيره: على كلام عمي...ايييي
حور :yes
منيره: طيب طيب ... ما ادري وش عاجبك في البر حر وغلقه
حور: المهم نكون مع بعض لو في المريخ
منيره: آآآآآآآآه يا قلبي على الحب
طنشتها حور وما ردت عليها
منيره: حور حور
حور:..........
منيره: ما راح تمسحين مكياجك
حور:...........
منيره : براحتك تصبحين على خير

جلسوا الجماعة وصاروا يرتبون حالهم للرحله والبنات الى الآن نايمين
مو قادرين يرفعون نفسهم من السرير دق جوال حور في غرقة نومها
حور: الوووووووو
امين: احلى الووووو في الدنيا
حور بققت عيونها وفزت من على السرير وصارت تعدل في شكلها
امين: إلى الآن نايمه
حور: هههه أي والله مو قادره اترك المخده
امين: هنيا لها والله.... نايمة بحضنك طول الليل
حور وجها صار احمر:............
امين: هههههههه يالله حبي جهزي نفسك بسرعة انتظرك
بتروحين معي في السياره
حور بنعومه: ربع ساعة عمري واصير جاهزه
امين: بالله انا عمرك
حور : هههه وازود بعد
امين : يالله بصعد لك الحين
حور مرتبكه: لالالالا وين تصعد لي ... جنيت
امين: ومنو يسمع صوتك ماينجن
حور:ههههههه... امين
امين: قلبه انتي
حور: تأخرنا صح
امين : اووووه نسيت نفسي انا...... يالله حبي بسرعة
حور: انشاء الله
سكرت حور وهي فرحانه من جد ....جهزت اغراضها ولبست بنطلون جنز وبلوزه
بيضه كت ولبست حزام كريستال فضي وحطت لها مكياج ناعم كثير بس
غمقت الكحله طالعة مره جنان دخلت عليها منيره

منيره: اعترفي وين بنروح
حور: وين يعني
منيره : على هاللبس هذا .... وثانيا بطلي من اللؤلؤ بيمل
حور: عقد ناعم هذا مو مشكله
منيره: ممله انتي
حور: منيروه لا تأخريني حبيبي ينتظرني يلا باي
منيره: بايين

نزلت حور وطلعت بره كان امين ينتظرها من شافها راح عندها ومسك يدها واخذها للسياره فتح لها الباب وانحنى لها.... انبسطت حور من حركته ودخلت السياره وسكر وراها الباب راح لجهة بابه وهي تتابعه بنظراتها دخل السياره
امين وهو يطالعها: نورتي حياتي حبي
حور: ههه ما ادري من وين تجيب هذا الكلام
امين وهو يأشر على قلبه: من هنا يا حبي
حور ابتسمت له ونزلت راسها حط لها شريط محمد عبدو على
اغنيه بنت النوروصار يردد وراه ويطالعها وكان بجد
الجو غرام في غرام

وصلوا البر وكان الجو كثير حلو حطوا لهم الخيام بإشراف الزعيم عبدالله
وصار يعلم فارس وامجد حتى يساعدوه
الرجال حبوا يسوون لهم جلسه بره الخيام عن الغلقه

راحو البنات يتمشون رهف وشموخ وحور ومنيره وامنيه واماني ولما وانوار
اما الهنوف فظلت مع امها ما جوا معهم الرحله.... واسماء طبعا الي زوجها رفض انها تجي معهم..... وشروق الي حايسه مع عيالها توكل هذا واتلبس هذاك(الله يعين الأمهات)

انقسموا الى مجموعات البنات صاروا يركضون ويسوون سباق
وحور ومنيره كانوا جالسين مع بعض وعندهم كلام كثير بعد ما قالوه
حست رهف انها لوحدها متملله ففكرت تروح تتمشى لوحدها
كان عندها كتاب تقرأ فيه بس عقلها ما كان مع الكتاب كان مع مهند وموقفها معه وليه هو ماله خلقها ودائما يتصنع المشاكل معها.... وهي تمشي سمعت صوت
جاي من وراها.... التفتت لجهة الصوت لقت مازن يمشي مع مهند

مازن: وانا اقول الصحرا منوره
رهف ونظراتها تتصدد عن مهند: هذا نورك
مازن: وليه القمر لوحده
رهف: هههه ابد والله مو لاقي ونيس
مهند ما يدري وش فيه كان واقف يبحلق فيها وهزتة كلمتها بس
لا تعليق؟؟
مازن: افا بس انا موجود وتدورين عن ونيس
رهف: يسلموا والله
دق جوال مازن واستأذنهم شوي بعد مسافه قصيره في هذا الوقت رهف عطت مهند ظهرها بتمشي عنه مو حلوه واقفين قبال بعض بدون سبب
مهند يكسر حاجز الصمت: رهف
رهف التفتت له:..........
مهند: وش لونك عسى ما تأذيتي
رهف:............
مهند: انا آسف ما كان قصدي بس.....
مازن: هاااا عسى ما تأخرت
مهند: هههههه افا عليك في وقتك
رهف شافت يد مازن ملفوفه: د.مهند عسى ما شر
مهند يطالعها يلاقي نظرها على يده
مهند:ابد د. رهف بسيطه
مازن: خير خير د.مهند ود.رهف لايكون تفكرونا في المستشفى
مهند ورهف:هههههههههه
مازن:هههه ناقصنا الدكتور سلطان وتكمل
تضايق مهند كثير من سيرة سلطان وصار يطالع في رهف يبغي يعرف ردة فعلها شافها ارتبكت هي بعد استأذنهم وراح( جيت على الجرح يا مازن)

مازن: تعال يا الأخو وين؟؟؟؟
رهف : وش بلاه
مازن هز لها اكتافه وراح وراه
رهف صارت تتسائل في نفسها عن سر التغيير وليش صار يطالعها لما
سمع طاري سلطان وليه يده ملفوفه
(اسئلة كثيره... صعب احد يرد عليها غير مهند يا رهف)

امين دق على حور وطلب منها تجهز نفسها بيروحون يلفون لفتين
بالسياره ويرجعون
جهزت حور نفسها وجا امين واخذها معه وصار يمشي في البر وصوت الإستريوا على الآخر وقف امين مكان بعيد شوي عن الناس وطلب من حور انها تنزل

حور: امين ..لا يكون نضيع
امين: افا بس تخافين وانتي معي
حور بحب: لو توديني آخر الدنيا احس اني ببيتي وانت معي
امين: تكفين ما اقدر
حور صارت تضحك وشالت عبايتها وشيلتها وجلست جنبه كانت جالسه بصورة ملاك قمة النعومه والجمال وكان شعرها من طوله يسبح بالرمل
امين يطالعها بحب:منين نزلتي
حور بإستغراب.... نزلت؟؟؟
امين وهو يطالع فوق : ايي ما شفنا ابواب السما انفتحت
حور بخجل: هههه من ذوقك
امين يطالعها من فوقها لتحتها وهو متخبل من جمالها
امين: الا ....حبي حور
حور: لبيه
امين: لبى قلبي انا
حور:ههههههه
امين: انا اشوف ماله داعي العرس مصاريف وطقطقه وانتظار.....
تراني مستعجل
حور ابتسمت له شافت نظراته..... قامت بعيد عنه تركض وهو وراها
وهم يضحكون والدنيا مو سايعتهم

مر الوقت ....كان مثل الخيال بالليل
مهند: الامتى بتمشون
بو محمود:ههههههههه بسعه يا ولدي
بو مهند: وليش تسأل لايكون بتروح
مهند: اييي والله عندنا اجتماع مهم بكره
في هذا الوقت دق جوال محمود
محمود: هلا وغلا
رهف: هلا بإخوي حبيبي
محمود: خلصي رهف عن هالكلام الحلو وش تبغين
مهند الي كان يكلم ابوه سكت وصار يطالع بمحمود اول ما سمع اسمها
رهف: متى بنروح
محمود: بكره ان شاء الله
رهف بضيق: لالالا تكفى محمود
محمود: وش بك
رهف: عندنا اجتماع بكره مهم كثير
محمود: مو لازم تحضرين
رهف : ما اقدر لازم
محمود: يعني اذا ما رحتي بيلغون الإجتماع ....وثانيا الجو يجنن حرام
نقطعه ونروح الشرقيه
بو محمود سمعه يكلم رهف وفهم السالفه
بو محمود: تروح مع مهند
محمود طالع ابوه بإستغراب يعني كيف تروح معه طريق طويل
مهند لما سمع عمه نزل راسه
مازن انقذ الموقف: ايي محمود انا ورهف نروح مع مهند
مهند وكأنه انزاح عنه جبل .... ومحمود بعد ارتاح من كلام اخوه
محمود: أي رهف بتنزلين مع مازن ومهند
رهف: كيـــــــــف؟؟؟؟
محمود: الي سمعتيه
رهف: لالا مستحيل
محمود معصب: مستحيل... جلسي مكانك
سكر محمود الخط في وجه رهف ومهند كان جالس ولا كلمه
حتى انه ما رحب بالفكره وكان يفكر ليش رهف ماودها تروح معي؟؟؟

مازن: مهند متى بتحرك
مهند: بعد ساعة .... خليكم جاهزين
قام مازن من عندهم بيبلغ اخته ويشوف ليه هي مو راضيه تروح
مع مهند ......و مافي داعي للإحراج دام انا معها
وصل لخيمة الحريم
مازن: رهف...رهــــف
رهف من وراه: نوروا
التفت مازن ولقا رهف بس مو بروحها في احد معها
مازن : هلا بريحة هلي
مازن طالعة عيونه على منيره الي كانت رهف ماسكتها من يدها
ومو راضية تفكها
رهف: مازن ما بتسلم على منيره
مازن: انا سلمت .... ما سمعتوني
رهف: سلمت؟؟؟
مازن بحنان: سلم قلبي عليها ... هي اكيد اسمعتني

منيره انحرجت كثير وتركت يد رهف وراحت للداخل بس كان ضهره
للخيمه.... طالعته منيره وطاحت عينها بعينه وصار يطالعها بحب
رهف: هههه مزون وخر عن البنت
مازن: لا تتكلمين عنها..... وهي وين صوتها
منيره منزله راسها:..........
مازن: ما راح اوخر لين تطلبين مني
منيره عندت وبدل ما تنطق طنشته ورجعت مكان ما جت
مازن: بلاك انتي وين بتروحين .... خلاص بروح انا
رهف: ليش جاي
مازن: نص ساعه جهزي اغراضك بنمشي
رهف: بس
مازن بعصبيه: لا بس ولا شي انا وياك هاااا
رهف:طيب طيب
راح مازن من عندها ومر على منيره الي كانت راجعه للخيمه
مازن يطالعها بحب: احبك نور عيني
منيره تطالعه بخجل:.........
مازن: ما ودك تقولين شي
منيره: توصلون بالسلامه
مازن بفرح: يسلم لي هالصوت والله
راحت منيره من عنده وهي قلبها معه

في مكان ثاني
امين ماسك يد حور: والله مو متخيل كيف بمشي الشرقية وانتي مو معي
حور بحب: بفتقدك كثير
امين: مو اكثر مني.... وش رايك تروحي معنا
حور وهي تقوم وتزيح الرمل عن ملابسها: ما خلصنا احنا
امين: ههههههه ولا راح نخلص
حور وهي تلبس عبايتها: يلا عمري تأخرنا
امين بزعل: بدري حبي
حور: وين بدري صار لنا اربع ساعات
امين: والله..... ما حسيت بالوقت
حور: هههه الوقت وآمنا بالله... والجوع؟؟؟
امين يقرب منها ويلمها له: وكيف اجوع وجنبي العسل
حور بعدت امين عنها وراحت صوب السياره
امين: تعالي حور امزح معك
حور: لا والله امين تكفى ابغي اروح
حس امين انه من كلامه زودها على حور وخلاها تخاف منه
فقرر انهم يحركون ويرجعون للأهل

جهزوا مهند ومازن اغراضهم وشيكوا على السياره ونادى
مازن رهف حتى يمشون

بارك الله فيكي

واصلييييييييييي

جهزوا مهند ومازن اغراضهم وشيكوا على السياره ونادى
مازن رهف حتى يمشون

ودعوا الجميع وتمنوا لهم الوصول بالسلامة ركبوا السياره
وكانت رهف في البداية متوتره..... ومهند بعد ما تكلم ولا كلمة

مازن: ياااااااهووو انام يعني
مهند: ههه علامك انت خرعتني
مازن: ما ادري عنكم جالسين مبوزين و ولا كلمة .....
وش فيكم زعلانين؟؟؟

مهند صار يطالع بالمرايه جهة رهف لقاها سرحانه في الطريق
مهند حط في المسجلة موسيقى كلاسيك
مازن: اقول عاد اتركك من رهف ما عليك منها
مهند بإستغراب: ما فهمت
صار يطالعها بالمراية حس انها ارتبكت
رهف: وش دخلني انا
مازن: ما تسمعين وش حاط لنا
مهند كان يحب الموسيقى كثير
مهند: انا غرامي الكلاسك تريح اعصابي كثير
مازن: سبحانك يا ربي ..... نفس التخصص وتحبون نفس الأشياء
مهند تفاجأ:!!!!!!!!!!!!!!!!!
رهف منحرجه : مازن لو سمحت .... انا نعسانه وابغى انام
مازن: اوووووووه وش هالذرابه وين لسانك الي على طول
ما يسكت
مهند صار يبتسم ويطالع رهف الي حست فيه وحطت الغطا
على وجها.....
مهند انبسط كثير والود وده انها تظل مغطيه وجها
على طول (؟؟؟؟؟؟؟؟؟؟؟)
مهند: الا اقول مازن
مازن: هلا
مهند: احس اني متملل كثير وودي اسافر
مازن: اووه صحيح ... تمام
مهند: ههه بس مو عارف وين اروح..... وين من رايك
مازن: بتروح مع من؟
مهند: بروحي والله ..... ما معي احد
مازن: غريبه!!!
مهند: وش الغريبه فيها.... لا تخاف علي ما راح اضيع
مازن:هههه لا مو قصدي..... بس بالعادة كان يروح معك
الدكتور سلطان
مهند:..............
رهف كانت تسمع كل كلمه يقولونها وحست بالتوتر الي مهند فيه
رهف: مزون حبيبي
مازن: هلا والله.... ما نمت؟
رهف: لا احس اني عطشانه
مهند الي كان يسمعهم : دقيقة وحده احنا قريبين من المحطة
وقف مهند بجنب المحطة: ها وش تشربون
رهف:..........
مازن حس ان اخته مستحية تطلب منه: طيب مهند انا بنزل
مهند:............
مازن: رهف وش تبغين
رهف: ههه كالعاده
مازن: عارف ككاو وكاديه..... وانت مهند
مهند بضيق: ولا شي ....مشكور
مازن نزل يجيب لهم شي يشربونه تأزم الموضوع اكثر صار
جو السياره لا يطاق بالنسبه لمهند ورهف والصمت يعم المكان
قرر مهند انه ينزل من السياره حتى يرجع مازن بس.....

رهف:د.مهند
مهند متفاجئ: هلا
رهف: اممم باخذ رايك في موضوع
مهند بإندفاع: موضوع؟؟؟؟؟؟ وشو
رهف توها بتتكلم الا بجية مازن سكتت ومهند سكت بعد بس كان
شاغله الموضوع كثير وصار يتسائل يا ترى شنو الموضوع
مازن: مشينا اتكل على الله
مهند سرحان:...........
مازن: يا الأخو؟؟؟
مهند انتبه لمازن: يالله على خير
كانت عيونه على رهف الي كانت تتصدد النظر له بس كان وده يعرف وشو
الموضوع هذا(لايكون يخص سلطان؟؟؟؟ الله يستر)

في البر......
رجعوا امين وحور للخيام وجلس هو مع الشباب وحور
دخلت بجنب منيره الي ظلوا يتكلمون إلى صلاة الفجر وبعدين
تفرقوا حتى ينامون مافي وقت يدوب بكره العصر بيحركون

كانت حور جالسه على جبل من الرمال وكان امين واقف يطالعها
وراح عندها ومسك يدها وصاروا يركضون نازلين من هذا الجبل
وهم يضحكون وفجأه!!!
حست حور انها لوحدها ما شافت امين جنبها وصارت تركض وتبكي
تدور في كل مكان حتى سمعت صوته يناديها راحت جهة الصوت لقته
واقف جنب سيارته ويبتسم لها ويناديها ارتاحت كثير وراحت تركض
جهته ولما قربت منه حست بشي غريب.....
رمال متحركة تسحبها لتحت وهي تنادي وتصرخ بإسم امين ولكن هو
ما تحرك كان واقف يطالعها وهو يبكي ....
كانت تغوص في الرمل .... سمعت احد يضحك وراها التفتت جهة الصوت
لقت نزار لابس ثوب اسود وجالس على ركبته ويرمي عليها الرمل وهو
يضحك خافت اكثر ونادت بصوت عالي امــــــــــــــــــــــــــــين

منيره خايفة: بسم الله عليك .... حور
حور انتبهت انها كانت تحلم : اعوذ بالله من الشيطان الرجيم
منيره: صلي على النبي حبيبتي.... لاتخافين
حور وهي ترتجف وتقرأ قرآن وخايفه كثير
منيره: وشو هذا الكابوس كنت تنادين امين؟؟
حور: ما راح اقول
منيره:؟؟؟؟؟؟؟؟؟؟
حور: منيره وين شنطتي
جابت منيره لحور شنطتها وخذتها حور وطلعت صدقة وتعوذت من ابليس وقامت تصلي الظهر
دق جوالها لقته امين رفعت بصوت خايف
حور: الوو
امين: هلا حبي
حور بتعب: هلا فيك
امين بخوف:وش بلاك قلبي
حور: تعبانه شوي
امين: بسم الله عليك ....تعالي بره ابغيك شوي
حور: طيب جايه
ضبطت حور شكلها ولبست بنطلون اسود وبلوزه حمره ورفعت شعرها
ولبست عبايتها وطلعت بره لقته يستناها مسكها من يدها وبعدوا
شوي عن الجماعة جلسوا على الرمل
امين بحب: دنيتي انتي
حور:...............
امين: تدرين مو لايق عليك التعب
حور وهي تبكي: خايفة
امين وهو ياخذها في حضنه:له له له تخافين وانا جنبك
وثانيا دموعك هذي ما ابغا اشوفها سامعه
حور تمسح دموعها وتهز راسها:...........
امين بحب: ممكن تقولين لي وش الي مخوفك
حور: هههه حلم
امين: صدق.......ههههههه
حور تضربه على كتفه: لا تتمسخر
امين: ههههههه والله ما اتمسخر بس تفاجأت
حور: افكر بعد
امين: والحين؟؟؟؟
حور وهي تمسك يده: دامك معي وما راح تتخلى عني ما راح اخاف ابد
امين: ياحبي لك ...ولعيونك....ولبتسامتك....ولشعرك
حور تبتسم بخجل:.........
امين:حبي......اوعديني
حور:!!!!!اوعدك
امين: اوعديني انك ما تقصين شعرك ولا تجبريني انك تقصينه
حور:ههههههه ...وانا مفكره بعد الزواج اقصه
امين بزعل: لا بالله اقص ايادي ذي الفلبينيه الي بتقصه
حور:ههههههههههه
امين: يالله حبي قولي وعد
حور: حبيبي
امين: عيونه
حور:اذا اقدر استغني عنك يعني استغني عنه
امين: الله ما اقدر
حور: هههههه ... يالله نروح
امين: طلب ثاني
حور: ههه ما راح تخلص الطلبات
أمين بزعل : خلاص ما راح أقول
حور : لا بالله .....آمرني
امين بفرح : انزلك الرياض
حور: لالا صعبه عليك وراك مشوار للشرقيه
امين: مو مشكله اوصلك واروح
حور: لا بعدين تتعب
امين: وش عليك مني انا راضي
حور: اسأل ابوي وارد عليك
امين: اييه صح نسينا عمي
حور وامين:هههههههههههه

رجعوا امين وحور للخيام ..... بعد الغدا صار الكل يرتب وشيل اغراضه يستعد
للرجعه وهم يحملون الذكريات الطيبه معهم حور نادت ابوها
بومشعل: سمي يا الغاليه
حور : سم الله عدوك يا بو حور
بومشعل: هههه عندك شي تبغين تقولينه
حور بخجل: ايييي يبه..... امين يبغي يوصلني معه للرياض
بومشعل بصرامه: لا وانا ابوك يالله حركي معنا
حور بزعل: طيب يبه بس لا تزعل نفسك
بومشعل: هههههههه امزح معك
حور تبتسم :........
بو مشعل: يبه حور ....امين هذا صار زوجك ولو يبغى ياخذك معه
للشرقيه ما بقوله لا
حور بخوف وتتلفت حولها : لا يبه تكفى لايسمعك يسويها
بو مشعل: ههههههههه الله يهنيكم

تحركوا الجماعه كل واحد في سيارته وراحت حور مع امين (بس منو خذت معها)
اجبرت منيره انها تروح معها وصارت منيره في موقف لا تحسد عليه
حور تعمدت تاخذ منيره حتى تحس بالراحه انها مو لوحدها مع امين

منيره الي وافقت مكرهة بس منو يقدر على حور (وامين وشو موقفه؟؟؟؟)
امين طار عقله من سمع ان منيره معهم وما عرف يتكلم مع حور كلمتين
على بعض وصار يطول صوت المسجله حتى يضيع صوته معها وكل ما قال
شي صار يشرك منيره بقوله*ولا وش رايك يا بنت العمه*(هههههههههه)

في الدمام وفي مستشفى التخصصي بالذات كان الإجتماع جد مهم
ورهف حمدت ربها انها رجعت حتى تحضره وكان سلطان يساعدها لو
ما فهمت شي ومهند صار كل شوي يطالع فيهم وحاسس ان بينهم شي
شو هوا الله العالم
بعد الإجتماع الكل راح لشغله اما سلطان فقرر انه ينهي الموضوع
الي بينه وبين صاحبه وقرر يروح له
سلطان يدق الباب: ممكن ادخل
مهند سمع صوته راح فتح له بنفسه: حياك
دخل سلطان وبدون مقدمات اخذ مهند في حضنه: اشتقت لك يا القاسي
مهند: ههههههه أنا قاسي افا الله يسامحك
سلطان : من متى وانت تتجاهلني ومو ما عطيني وجه
مهند: ابد والله بس كنت متضايق شوي
سلطان: انا عارف ليه
مهند مرتبك: وشو الي ليه؟؟؟؟ صدقني ما في سبب يذكر
سلطان: اكيد
مهند: طبعا ....اكيد
سلطان: هااااا طاح الحطب
مهند: هههههههه من زمان وانا اخوك والدليل انك بتاخذ اجازتك معي
هالمره
سلطان: لا ما راح اقدر
مهند: وليه بالله.....ما تقدر
سلطان لأني بحتفظ فيها للضروره
مهند:...............
سلطان: ههههههه لا تبلم انا فكرت اكمل نص ديني
مهند مفزوع:!!!!!!!!!!!!!!!
سلطان : وش بك
تدخل رهف بصوره مفاجأه

رهف وهي تبكي : الحقني مهند الحقني
مهند بخوف: خيــــــــــــــــــــــــــر ؟؟؟؟؟؟؟؟؟؟ وش..........

ما لحق مهند يكمل كلمته الا ورهف تطيح على الأرض وقف سلطان مبهور
اما مهند فراح يركض لها يشوف وش صار

في سيارة امين كان جالس يتكلم ويمزح والبنات يضحكون على سوالفه
دق جواله شاف منو المتصل
امين: هلا عبدالله
..........
امين يوقف على جنب: اممممممممممم
............
امين بإرتباك:اهااااااااااا
.................
امين بخوف: متى ؟؟؟؟؟ ووين
..............
امين: دقايق بس

سكر امين الجوال وغير اتجاهه

حور: امين خير
امين:...........
حور بخوف: امين صاير شي
طالعها امين وعيونه جمر: هاااااااا .... لالا خير ما في شي
حور: ما يصير اكيد في شي
امين ما تمالك نفسه: حور بـــــــــــس خلاص..... قلت لك ما في شي
حور صارت تبكي:..................
منيره تمسك حور من وراها وهي خايفه اكثر منها وحور صارت تبكي
ما ادري من الخوف او من زعلها

امين الي صار يمشي بسرعه والناس تزمر له وهو مو ما عطيهم وجه ومسرع
بشكل جنوني ....حور مسكت يده تبغي تهديه مسكها هو بشكل اقوى
وطالعها (بس شنو شافت حور؟؟؟؟)

كانت دموعه بعيونه تجمدت حور مكانها
وبعد خمس دقايق وصلوا لمستشفى التخصصي ووقف امين سيارته بشكل
سريع في وسط الشارع ونزل
امين صرخ فيهم: نزلوا بسرعه

منيره كانت خايفه كثير بس قدرت تمسك نفسها وتنزل اما حور
فكانت رجولها منشله مو قادره تحركهم لف امين جهتها وفتح لها
الباب وطلب منها تنزل بس هي ما كانت تقدر مسكها من يدها
ونزلها دخلوا من جهة الأسعافات لقت عمانها موجودين بس(وين ابوها؟؟؟)
ابوها مو معهم

جاها عمها بو عبدالله ومسكها من يدها وهي خايفه بشكل جنوني
بو عبدالله يصرخ في امين: اميـــــــــن قلت لها
امين يستند على الجدار و يهز براسه يعني لا
حور بتموت: عم....ععع عمي شنو يقولى!!!!!